సమంత, త్రిష లాంటోళ్లు కూడా హెల్ప్ చేయరు... వ్యభిచారం చేయకుంటే ఏం చేస్తారు: శ్రీరెడ్డి

దొరసాని సినిమా హిట్టవ్వాలి

నేను ‘దొరసాని' సినిమా హిట్టవ్వాలని కోరుకుంటున్నాను. తెలుగులో మంచి సినిమాలు రావాలని కోరుకుంటున్నాను. తెలుగు అమ్మాయిలు అందరికీ మంచి రోజులు రావాలని కోరుకుంటున్నాను. ఏ ఆడపిల్ల జీవితం నాశనం చేయాలని నాకు ఉండదు, అందరూ బావుండాలనేది నా అభిమతమని శ్రీరెడ్డి వ్యాఖ్యానించారు.

సమంత, త్రిష లాంటోళ్లు కూడా హెల్ప్ చేయరు... వ్యభిచారం చేయకుంటే ఏం చేస్తారు

శ్రీరెడ్డి లాంటి ఆడపిల్ల బాధ నరేష్ గారు పట్టించుకోరు, జీవితగారు పట్టించుకోరు.. సినిమా వాళ్లు ఎవరూ పట్టించుకోరు. సమంత, త్రిష లాంటి పెద్ద పెద్ద హీరోయిన్లు జీవితంలో ఎన్నో తట్టుకుని వస్తారు. పెద్ద స్టార్లు అయిన తర్వాత అదంతా మరిచిపోతారు. ఇండస్ట్రీలో కొత్త అమ్మాయిలు కష్టపడుతుంటే వారికి అవకాశాలు ఇవ్వమని కూడా చెప్పారు. అవకాశాలు లేనివారు చివరకు పొట్టకూటి కోసం వ్యభిచారాలు చేయకపోతే ఏం చేస్తారు చెప్పండి... అంటూ శ్రీరెడ్డి ఆవేదన వ్యక్తం చేశారు.

మా బాధ, మా నరకం ఎవరికి చెప్పుకోవాలి?

మేము ఎక్కడికైనా వెళితే పబ్లిసిటీ కోసం, బ్లాక్ మెయిల్ చేయడం కోసమే ఇదంతా చేస్తున్నారా? అని అడుగుతుంటారు. కానీ నాకు అలాంటి ఉద్దేశ్యం లేదు అని చెప్పాలని ఉంటుంది. చెప్పినా ఎవరూ పట్టించుకోరు. చాలా మంది నిందలు వేస్తారు. మా బాధ, మా నరకం ఎవరికి చెప్పుకోవాలి? తల్లిదండ్రులకు కూడా దూరమై దినదిన గండం నూరేళ్ల ఆయుష్షులాగా బ్రతుకుతున్నాం... అంటూ శ్రీరెడ్డి కంటతడి పెట్టారు.

నన్ను చివరకు తెలుగు ఫిల్మ్ ఇండస్ట్రీకి దూరం చేశారుb

నన్ను చివరకు తెలుగు ఫిల్మ్ ఇండస్ట్రీలో పని చేసుకోకూడదు, మా అసోసియేషన్ కార్డు ఇవ్వకూడదు అనే పరిస్థితికి తెచ్చారు. హైదరాబాద్ నుంచి దూరం చేశారు. అప్పటి వరకు టీఆర్పీల కోసం నాకు మద్దతుగా ఉన్న న్యూస్ ఛానల్స్ సడెన్‌గా శ్రీరెడ్డి గురించి నెగెటివ్ గా ప్రచారం చేయడం మొదలు పెట్టారు.

నన్ను పెళ్లి చేసుకోవడానికి కూడా భయపడుతున్నారు

నేను సమాజంలో మంచి పేరు తెచ్చుకోవాలని ఎప్పుడూ అనుకోలేదు. ఎందుకంటే పనికిరాని సమాజం. ఎవరు ఏది చెబితే అదే నమ్ముతుంది. దానికంటూ ఒక ఉద్దేశ్యం ఉండదు. ఎవరైనా ఐ వాంట్ టు మారీ శ్రీరెడ్డి అంటే... శ్రీరెడ్డినా? నువ్వు పెళ్లి చేసుకుంటావా? అంటూ వారిని టార్చర్ పెడతారు... నా పరిస్థితి అలా అయిందని శ్రీరెడ్డి వ్యాఖ్యానించారు.

మా తల్లిదండ్రుల్లా వెలివేయనందుకు మీకు థాంక్స్

దయచేసి నా మీద ఉన్న ఉద్దేశ్యం మార్చుకోండి. మార్చుకోకపోయినా నేను వచ్చి చేసేది ఏమీ లేదు. నిస్సహాయ స్థితిలో ఉన్నాను. డిప్రెషన్లకి వెళ్లకుండా నా ప్రయత్నాలు నేను చేస్తున్నాను. నా పేరు చెబితేనే దూరంగా జరిగిపోతున్న సమాజంలో నువ్వు ఏ తప్పూ చేయలేదురా అని కొంత మంది అక్కున చేసుకున్నారు. వారికి థాంక్స్. మా తల్లిదండ్రుల్లా నన్ను ఇంకా వెలేయకుండా నన్ను అర్థం చేసుకున్నందుకు వారికి రుణపడి ఉంటాను అని శ్రీరెడ్డి తెలిపారు.