తాప్సీని ఆ హీరోతో పోల్చిన ప్రముఖ నిర్మాత.. అదిరిపోయే రిప్లై ఇచ్చిన స్టార్ హీరోయిన్.. నెటిజన్లు ఫిదా.

ఇక్కడ గ్లామర్.. ఆక్కడ యాక్టింగ్

తెలుగులో గ్లామరస్ పాత్రలు మాత్రమే చేసింది తాప్సీ. కానీ, బాలీవుడ్‌లోకి ఎంటర్ అయిన తర్వాత ఆమె ఈ నిర్ణయాన్ని మార్చుకుంది. యాక్టింగ్‌కు స్కోప్ ఉన్న పాత్రలు మాత్రమే చేస్తూ సక్సెస్ అవుతోంది. తొలి హిందీ సినిమాతో హిట్ అందుకున్న తాప్సీ.. ఆ తర్వాత ‘పింక్'లో అద్భుతమైన నటనతో ఆకట్టుకుంది. వీటితో పాటు ఎన్నో మంచి పాత్రలు చేస్తూ దూసుకుపోతోంది.

బోల్డ్ స్టేట్‌మెంట్లు.. తలెత్తిన వివాదాలు

తాప్సీ బాలీవుడ్‌లోకి ఎంటర్ అయిన తర్వాత వ్యవహార శైలిలో సైతం మార్పులను చూపిస్తోంది. తరచూ ఏదో ఒక సామాజిక అంశంపై స్పందిస్తూ వార్తల్లోకి ఎక్కుతోంది. ఇందులో భాగంగానే ‘కబీర్ సింగ్' డైరెక్టర్ సందీప్ రెడ్డి వంగాపై విమర్శనాస్త్రాలు సంధించింది. అంతేకాదు, అప్పుడప్పుడూ బోల్డ్ స్టేట్‌మెంట్స్ ఇస్తూ వివాదాల్లో ఇరుక్కుపోతోన్న విషయం తెలిసిందే.

అత్యుత్తమ నటన.. అవార్డుల పంట

బాలీవుడ్‌లోకి ఎంటర్ అయిన తర్వాత తాప్సీ కెరీర్ ఒక్కసారిగా ఊపందుకుంది. వరుస విజయాలతో పాటు ఆమె నటనకు అవార్డులు కూడా వెల్లువెత్తుతున్నాయి. ముఖ్యంగా ‘పింక్' సినిమా ఆమె కనబరిచిన అభినయానికి ఎన్నో అవార్డులు వచ్చాయి. అలాగే, ‘నామ్ షాబానా', ‘మల్క్', ‘గేమ్ ఓవర్', ‘సాంధ్ కి ఆంఖ్' చిత్రాలకు గానూ ఆమె ఉత్తమ నటి పురష్కరాన్ని అందుకుంది.

తాప్సీని ఆ హీరోతో పోల్చిన ప్రముఖ నిర్మాత

ఇటీవల ప్రకటించిన 65వ అమెజాన్ ఫిల్మ్‌ఫేర్ అవార్డ్స్ 2020లో తాప్సీ ‘సాంధ్ కి ఆంఖ్' చిత్రంలో నటనకు గాను ఉత్తమ నటి (క్రిటిక్స్) అవార్డ్ అందుకుంది. దీంతో ప్రముఖ నిర్మాత తనూజ్ గార్గ్.. తాప్సీని ఉద్దేశిస్తూ... ట్విట్టర్ వేదికగా ‘పవర్ హౌస్ అయిన తాప్సీకి కంగ్రాట్స్. మా బాలీవుడ్‌కు నువ్వు ఆడ ఆయుష్మాన్ ఖురానావు' అని కామెంట్ చేశారు.

Tapsee Pannu Reveals No One Wanted To Rent An Apartment To Her || Filmibeat Telugu

అదిరిపోయే రిప్లై ఇచ్చిన స్టార్ హీరోయిన్

తనను హీరోతో పోల్చడం నచ్చకపోవడంతో తనూజ్‌కు తాప్సీ అదిరిపోయే రిప్లై ఇచ్చింది. ‘బాలీవుడ్‌కు మొదటి తాప్సీ పన్ను అని పిలవడం గురించి మీరు ఏమంటారు' అని ఆమె ప్రశ్నించింది. దీంతో నెటిజన్లు అందరూ ‘సరైన సమాధానం చెప్పావు. అయినా నిన్ను నిన్నులా కాకుండా హీరోతో పోల్చడం ఏంటి' అంటూ ఆమెకు మద్దతుగా ట్వీట్లు చేస్తున్నారు.