దుస్తులు మార్చుకుంటుండగా సెక్స్ సీన్లు.. పరువు నష్టం 65 కోట్లు.. నిర్మాతపై నటి కేసు

లండన్ ఫీల్డ్ చిత్రంలో కొన్ని శృంగార, న్యూడ్ సీన్లు ఉన్నాయి. అయితే తన అనుమతి లేకుండా వాటిని సినిమాలో పెట్టారు. కాంట్రాక్టు నిబంధనలు ఉల్లంఘించినందుకు గాను కోర్టులో పిటిషన్ దాఖలు చేశాను. పరువు నష్టం కింద రూ.65 కోట్లు (10 మిలియన్ అమెరికా డాలర్లు) చెల్లించాలని పిటిషన్‌లో పేర్కొన్నది.

షూటింగ్‌కు సంబంధించని ఫొటోలు కూడా వాడుకొన్నారు. దుస్తులు మార్చుకొనే దృశ్యాలను చిత్రీకరించారు. అలాంటి ఫొటోలను షూట్ చేసే హక్కు నిర్మాతలకు లేదు. సినిమా షూటింగ్ పూర్తయిన తర్వాత వాటిని చేర్చారు. అశ్లీల సన్నివేశాలను, కొన్ని మితీమీరిన శృంగార చిత్రాలను సినిమాలో జొప్పించారు అని మండిపడింది.

న్యూడ్ సీన్లను సినిమాకు జత చేసి 2015లో టొరెంటో ఫిల్మ్ ఫెస్టివల్‌లో ప్రదర్శించాడు. తన అనుమతి లేకుండా సన్నివేశాలను పబ్లిసిటీకి వాడుకోవడం సరికాదు అని అంబెర్ ఆగ్రహం వ్యక్తం చేసింది. నటీనటులకు తెలియకుండా అభ్యంతరకర సన్నివేశాలను నిర్మాతలు వాడుకొంటున్నారనే వాదనకు ఈ కేసు మరింత బలం చేకూర్చింది.

నటి అంబెర్ పిటిషన్ పై నిర్మాత హ్యాన్లీ, ఆయన భార్య రొబోర్టా స్పందించారు. మార్టిన్ అమిస్ నవల ఆధారంగా తెరకెక్కిన లండన్ ఫీల్డ్స్ చిత్రంలో ప్రధాన పాత్రను పోషించడానికి ఆమెతో కాంట్రాక్టు జరిగింది. స్క్రిప్ట్ చదివిన తర్వాతనే సినిమాలో నటించేందుకు సంతకం చేసింది. చిత్రంలో న్యూడ్ సీన్లు, సెక్స్ సన్నివేశాలు ఉంటాయనే విషయం ఆమెకు ముందే తెలుసు. అంతా తెలిసి ఆమె ఇప్పుడు కోర్టుకు ఎక్కడం విచిత్రంగా ఉంది అని వారు అన్నారు.