ఈ ఫోటోలే సాక్ష్యం: ప్రియాంక చోప్రాకు అతడితో ‘సం’బంధం నిజమే!

బాయ్ ఫ్రెండ్‌తో కలిసి ప్రియాంక

తన బాయ్ ఫ్రెండ్ నిక్ జోనస్‌తో కలిసి న్యూజెర్సీ ఎయిర్‌పోర్టులో ప్రియాంక మీడియా కెమెరాలకు చిక్కారు. నిక్ కజిన్ పెళ్లి వేడుకలో పాల్గొనేందుకు ఇద్దరూ కలిసి ఇక్కడికి వచ్చినట్లు యూఎస్ మీడియా వర్గాలు వెల్లడించాయి.

చేతిలో చేయి వేసుకుని...

న్యూజెర్సీ ఎయిర్‌పోర్టులో ప్రియాంక చోప్రా, నిక్ జోనస్ ఒకరిచేతిలో ఒకరు చేయి వేసుకుని నడుచుకుంటూ వెళుతూ మీడియా దృష్టిని ఆకర్షించారు. తమ మధ్య ఉన్న సంబంధం గురించి అందరికీ తెలియాలనే ఇద్దరూ ఇలా చేసినట్లు తెలుస్తోంది.

నిక్ ప్రేమలో పీకల్లోతు మునిగిన ప్రియాంక

నిక్ ప్రేమలో ప్రియాంక పీకల్లోతు ప్రేమలో మునిగి ఉందని, అతడి కోసం ఏం చేయడానికైన సిద్ధంగా ఉందని, ప్రస్తుతం ఇద్దరూ కలిసి సహజీవనం చేస్తున్నారని అమెరికన్ మీడియాలో వార్తలు వచ్చాయి.

చూడముచ్చటైన జంట

ప్రియాంక చోప్రా, నిక్ జోనస్ జంట చూడటానికి చాలా అందంగా ఉందని.... నిక్ జోనస్ వయసులో తనకంటే చిన్నవాడైనప్పటికీ ప్రియాంకకు పర్ఫెక్ట్ జోడీ అనే కామెంట్స్ వినిపిస్తున్నాయి.

నిక్ ఫ్యామిలీతో...

నిక్ కుటుంబ సభ్యులతో కూడా ప్రియాంక చోప్రా బాగా కలిసిపోయారు. వారు కూడా ప్రియాంకను ఎంతగానో అభిమానిస్తున్నారని, నిక్‌తో ప్రియాంక వ్యవహారంపై వారు సంతృప్తిగానే ఉన్నారనే టాక్ వినిపిస్తోంది.

కమర్షియల్ రిలేషనా?

నిక్ జోనస్, ప్రియాంక చోప్రా మధ్య కొనసాగుతున్న సంబంధం ఎక్కువ కాలం సాగే అవకాశం లేదని, ఇద్దరూ తమ తమ కెరీర్లో ఎదగడానికి, మీడియా దృష్టిని ఆకర్షించడానికే ఈ రిలేషన్‌షిప్ మెయింటేన్ చేస్తున్నారనే వాదన కూడా వినిపిస్తోంది.