చెప్పలేని చోట కాస్మోటిక్ సర్జరీ.. వికటించడంతో ప్రాణాపాయం.. కంపెనీపై 300 కోట్ల దావా వేసిన అందాల భామ

లిండా‌కు అత్యంత పాపులారిటీ

అమెరికాలో సూపర్ మోడల్ లిండా ఎవాంజెలిస్టా అత్యంత పాపులారిటీ ఉన్న సెలబ్రిటీ. 1990లో పలు సంచలన పత్రికలు, మ్యాగజైన్లపై పోటీ పడి ఆమె ఫోటోను కవర్ పేజీగా వేసిన దాఖలాలు ఉన్నాయి. అయితే కొద్ది రోజులుగా మీడియాకు దూరంగా ఉంటూ దాదాపు కనుమరుగైనంత పనిచేశారు.

అయితే అలా ఆమె బాహ్య ప్రపంచానికి దూరంగా ఉండటం అభిమానులకు అంతుపట్టలేదు. చాలా రోజులుగా కనిపించకుండా పోయిన ఆమె ఇటీవలే సోషల్ మీడియా ద్వారా అసలు విషయాన్ని బయటపెట్టింది.

కాస్మోటిక్ సర్జరీ వికటించడంతో

అయితే లిండా ఎవాంజెలిసా తన ఇన్స్‌టాగ్రామ్‌లో పోస్టు చూస్తూ.. కాస్మోటిక్ సర్జరీ వికటించడంతో గత కొద్ది రోజులుగా నా కెరీర్‌కు దూరమయ్యాను. మీ అందరికి నేను కనిపించకపోవడం ఆందోళనకు గురై ఉంటారు. అయితే జెల్టిక్ కూల్ స్కల్ట్పింగ్ విధానంలో చేసుకొన్న కాస్మోటిక్ సర్జరీతో దారుణంగా నా ఆరోగ్యం దెబ్బ తిన్నది. నేను ఎవరూ గుర్తుపట్టని విధంగా మారిపోయాను. అందుకే నేను బాహ్య ప్రపంచానికి దూరమయ్యాను. కొన్ని ప్రాజెక్టులను వదులుకొన్నాను అని లిండా తెలిపారు.

దారుణంగా అనారోగ్యానికి గురై..

జెల్టిక్ అనే కంపెనీ తెలిపిన ప్రకారం కూల్ స్కల్ట్పింగ్ పద్దతి పూర్తిగా వికటించింది. వారు చెప్పినట్టు కాకుండా పూర్తిగా ప్రతికూలమైన ఫలితాన్ని ఇచ్చింది. పాడాక్సికల్ అడిపోస్ హైపర్‌ప్లాసియా అనే సైడ్ ఎఫ్టెక్ నన్ను పూర్తిగా నిర్వీర్వం చేసింది. నాకు ఎక్కడైతే కాస్మోటిక్ సర్జరీ చేశారో ఆ ప్రదేశాల్లో వాపు ఎక్కింది. అలాంటి పరిస్థితి నుంచి కోలుకోవడానికి చాలా సమయం పట్టింది అని లిండా తెలిపింది.

మానసిక క్షోభను అనుభవించాను..

నాకు తొడలు, పొత్తి కడుపు, గదవ, పిరుదులు, శరీరంలోని ఇతర ప్రాంతాల్లో సర్జీరీ చేశారు. ఆ కాస్మొటిక్ సర్జరీ వికటించడం వల్ల నేను తీవ్ర దిగ్బ్రాంతికి గురయ్యాను. తీవ్రమైన మానసిక రుగ్మతకు లోనయ్యాను. ఊహించని పరిణామం ఎదురు కావడంతో విషాదానికి గురయ్యాను. నేను మానసికంగా చాలా బాధపడ్డాను. నాకు నేనుగా మనోధైర్యాన్ని కోల్పోయాను. గత కొద్ది రోజులుగా ఒంటరిగా జీవితం గడిపాను. దాంతో తీవ్రమైన మానసిక క్షోభను అనుభవించాను అని ఇన్స్‌టాగ్రామ్ ప్రకటనలో తెలిపారు.

Recommended Video

హాలీవుడ్ సినిమాలో మంచు లక్ష్మి !

కాస్మోటిక్ కంపెనీ తప్పుదోవ పట్టించినందుకు

కాస్మోటిక్ సర్జరీకి సంబంధించిన వ్యాపార ప్రకటనలో అవాస్తవాలను వెల్లడించి చీటింగ్‌కు పాల్పడ్డారని, అలాగే తీవ్రమైన నిర్లక్ష్యంగా వ్యవహరించారు. సైడ్ ఎఫెక్ట్ గురించి వెల్లడించకుండా వాస్తవాలను దాచిపెట్టారు. కాబట్టి జెల్టిక్ కంపెనీపై నేను న్యూయార్క్ ఫెడరల్ కోర్టులో దావా వేసాను. నేను అనుభవించిన మానసిక క్షోభ పరిహారంగా 50 మిలియన్ డాలర్లు అంటే సుమారు 370 కోట్లు చెల్లించాలని దావా వేశాను అని లిండా తెలిపారు.