నరసింహా అలా రాశాను.. ఆ సమయంలో చేయకూడనివి నేర్చుకున్నాను.. కేఎస్ రవికుమార్ కామెంట్స్

అనుకున్న పని కాకుంటే..

సెట్‌లో అనుకున్న షెడ్యూల్‌కు అనుకున్న పని కాకపోతే కోపం వస్తుందని, ఆ సమయంలో దానికి కారణమైన వారిపై అరుస్తానని చెప్పుకొచ్చాడు. అయితే వ్యక్తిగతంగా తనకు ఎలాంటి పగ, ద్వేషం లాంటివి ఉండవని తెలిపాడు. బాలయ్య కూడా అంతేనంటూ.. పని చేయకపోతే టెంపర్ లేచిపోతుందని పేర్కొన్నాడు.

ఎవరి దగ్గరకు వెళ్లి అడగను..

చాన్స్ ఇవ్వండని ఎవరి దగ్గరకు వెళ్లి అడగనని తెలిపాడు. మొదట్నుంచీ తనకు అదే అలవాటని, ఎంత పెద్దవారైనా సరే తాను మాత్రం అడగనని, ఇప్పటి వరకు అలాంటి సందర్భం రాలేదని, అలా గడిచిపోతుందని చెప్పుకొచ్చాడు. అయితే ఒకసారి కమిట్ అయితే మాత్రం.. అది పూర్తయ్యే వరకు ఇంకో ప్రాజెక్ట్ ఓకే చేయనని అన్నాడు.

నరసింహా అలా రాశాను..

శరత్ కుమార్‌తో అక్కడ చేసిన నట్పుక్కాగ చిత్రాన్ని తెలుగులో చిరంజీవితో ‘స్నేహం కోసం'గా రీమేక్ చేసిన సంగతి తెలిసిందే. అయితే దీని కంటే ముందుగా నరసింహా చేయాల్సి ఉండగా.. రజినీని అడిగి 45రోజుల్లోనే స్నేహం కోసం పూర్తి చేశానని తెలిపాడు. ఉదయం పూట షూటింగ్ చేసి వచ్చి రాత్రంతా నరసింహా డైలాగ్‌లు రాసుకునే వాడినని చెప్పుకొచ్చాడు.

చేయకూడనివి నేర్చుకున్నాను..

ఎంత పెద్ద సినిమా అయినా అంత తక్కువ సమయంలో తీయడం వెనుక రహస్యాన్ని ఆయన బయట పెట్టాడు. తాను అసిస్టెంట్ డైరెక్టర్‌గా ఉన్న సమయంలో సినిమాను ఎలా తీయకూడదో నేర్చుకున్నానని, ఎక్కడ పొరపాటు చేయకూడదో తెలుసుకున్నానని అన్నాడు. అందుకే ప్లానింగ్ సరిగా చేసుకుంటానని, అది ఒక్కటి ఉంటే ఎంత పెద్ద సినిమానైనా త్వరగా పూర్తి చేయవచ్చని అన్నాడు.

రూలర్ చిత్రంపై..

ఈ చిత్రంలో బాలయ్య డ్యూయర్ రోలా? త్రిబుల్ రోలా? అని అడుగుతున్నారు.. సినిమాను చూసి మీరే చెప్పండని అన్నాడు. రైతుల గురించా? ఇంకా ఏదైనా కోణం ఉందా? అని ప్రశ్నిస్తున్నారు వీటన్నింటికి సమాధానమే రూలర్ అని పేర్కొన్నాడు. ఈ టైటిల్ బాలయ్యకే కరెక్ట్ ఉంటుందని, ఎప్పుడో రిజిష్టర్ చేసి పెట్టారని, ఈ చిత్రాని అది సరిపోతుందని పెట్టామని తెలిపాడు.