బాహుబలి మాదిరిగానే RRR.. ప్రేక్షకుడు మరో లోకంలో విహరించేలా.. రాజమౌళి క్లారిటీ

ఆసక్తికరంగా కథ, కథనాలతో

దేశవ్యాప్తంగా ప్రేక్షకులను ఆకట్టుకొనే కథతో రూపొందుతున్న చిత్రం RRR. బాహుబలి మాదిరిగానే భారీ ఎత్తున నిర్మిస్తున్నాం. ఆడియెన్స్‌కు ఆసక్తి కలిగించే కథ, కథనాలు, క్యారెక్టర్లను డిజైన్ చేశాం. తప్పకుండా ప్రేక్షకులను థ్రిల్ చేస్తుంది అని రాజమౌళి పేర్కొన్నాడు.

మరో లోకంలో విహరించే విధంగా

నాకు ఫాంటసీ సినిమాలను నేను బాగా ఎంజాయ్ చేస్తాను. ప్రేక్షకుడు ఈ లోకాన్ని మరిచి మరో లోకానికి వెళ్లే విధంగా కథ చెప్పడం నాకు ఇష్టం. RRR సినిమా అందరి అంచనాలు తలదన్నేలా ఉంటుంది. ఇండస్ట్రీలో మంచి చిత్రంగా మారుతుందని నమ్ముతున్నాను అని రాజమౌళి వెల్లడించారు.

ఏడాదిపాటు కథపై కసరత్తు

ఇక రాజమౌళి ఫిల్మ్ మేకింగ్ గురించి చెప్పాల్సి వస్తే.. తాను రూపొందించే ప్రతీ సినిమాకు సంబంధించిన ప్రీ ప్రొడక్షన్ పనులపై భారీగా సమయాన్ని వెచ్చిస్తారు. బాహుబలి సినిమాకు దాదాపు ఏడాదిన్నర సమయాన్ని కేటాయించాడు. RRR సినిమాకు కూడా ఏడాదిపాటు కథపై కూర్చోవడం గమనార్హం.

బాహుబలి మూవీ టీమ్‌తో

RRR సినిమా నిర్మాణంలో బాహుబలి టీమ్‌ను రాజమౌళి దించేశాడు. బాహుబలి సినిమాకు పనిచేసిన విజయేంద్ర ప్రసాద్ (కథ), రమ రాజమౌళి (క్యాస్టూమ్స్), వీ శ్రీనివాస మోహన్ (వీఎఫ్ఎక్స్), ఎంఎం కీరవాణి (మ్యూజిక్), సాబు సిరిల్ (ప్రొడక్షన్ డిజైన్), కేకే సెంథిల్ కుమార్ (సినిమాటోగ్రఫి) పనిచేస్తున్నారు.

నాలుగు భాషల్లోకి

RRR సినిమా దాదాపు నాలుగు భాషల్లో విడుదల కానున్నది. ఈ చిత్రాన్ని ఏకకాలంలో వివిధ భాషల్లో షూట్ చేస్తున్నారు. ఇప్పటికే ఈ చిత్రం ప్రీ రిలీజ్ బిజినెస్‌పై రకరకాల వార్తలు వినిపిస్తున్నాయి. రికార్డు ధరకు డిజిటల్, శాటిలైట్ హక్కులను కొనుగోలు చేసేందుకు పలు సంస్థలు పోటీపడుతున్నాయి. ఈ చిత్రం 2020లో రిలీజ్ కానున్నది.