నాన్న, ఆయన స్నేహితుడు నన్ను దారుణంగా కొట్టారు.. స్టార్ హీరోపై కేసు పెట్టిన కుమార్తె!

ఇంటాబయటా గొడవలే

జిమ్ ట్రైనర్ పై దాడి చేసిన ఘటనలో విజయ్ పై కేసు నమోదైంది. ఇదిలా ఉండగా విజయ్ కుటుంబ పరంగా కూడా సమస్యలు ఎదుర్కొంటున్నాడు. విజయ్ మొదటి భార్య నాగరత్న ప్రెస్ మీట్ పెట్టి మరీ అతడిని ఏకిపారేసింది. విజయ్ పై, అతడి రెండవ భార్యపై తీవ్రమైన విమర్శలు చేసింది.

తండ్రిపై కేసు

దునియా విజయ్ నుంచి అతడి కుమార్తె మోనికా కూడా దూరంగా ఉంటోంది. విజయ్, నాగరత్న సంతానమే మోనిక. తన తండ్రి, ఆయన స్నేహితుడు తనపై దాడి చేసారంటూ మోనిక పోలీసు కేసు నమోదు చేయడం సంచలనంగా మారింది.

తలని గోడకేసి మోదారు

ఏడాది కాలంగా మోనికా తండ్రికి దూరంగా ఉంటోంది. తన దుస్తులు, డ్రైవింగ్ లైసెన్సు, ఇతర వస్తువులు తెచ్చుకునేందుకు ఇంటికి వెళ్లగా నాన్న, ఆయన స్నేహితుడు, డ్రైవర్ కలసి నాపై దాడి చేశారు. తలని గోడకేసి మోదారు. కాలితో తన్నారు. అసభ్యంగా తిడుతూ తీవ్రంగా కొట్టారని మోనికా పోలిస్ ఫిర్యాదులో పేర్కొంది.

తాళం పగలగొట్టి

తన కుమార్తె మోనికా ఆరోపణలపై విజయ్ స్పందించాడు. తన మొదటి భార్య నాగరత్న, మోనికా తనపై కావాలనే అసత్య ఆరోపణలు చేస్తున్నారని విజయ్ తెలిపాడు. మోనిక తాళం పగలగొట్టి మరీ బలవంతంగా ఇంట్లోకి వెళ్లడానికి ప్రయత్నించింది. మోనిక చేస్తున్న ఆరోపణలలో ఎలాంటి వాస్తవం లేదని విజయ్ అభిప్రాయ పడ్డాడు.