ది వారియర్

ది వారియర్ సినిమా యాక్షన్, రొమాంటిక్  ఎంటర్టైనర్ చిత్రం ఇందులో రామ్ పోతినేని, కృతి శెట్టి, ఆది పినిశెట్టి, అక్షర గౌడ, నధియ తదితరులు నటించారు. ఈ సినిమాకి దర్శకత్వం ఎన్ లింగుస్వామి వహించారు. శ్రీనివాసా చిట్టూరి నిర్మించారు. ఈ చిత్రానికి సంగీతం  దేవి శ్రీ ప్రసాద్ అందించారు.    కథ సత్య (రామ్ పోతినేని) డాక్టర్‌ విద్యను పూర్తి చేసుకొని కర్నూలులో హౌస్ సర్జన్‌ పోస్టింగ్ అవుతాడు. తల్లి (నదియా)తో కలిసి కర్నూలుకు చేరిన సత్యకు అక్కడి గ్యాంగ్‌స్టర్ గురు (ఆది పినిశెట్టి)తో వైరం ఏర్పడుతుంది. గురు ఆగడాలపై పోలీసులకు ఫిర్యాదు చేస్తాడు. అయితే అప్పటి వరకు కర్నూలులో ఎదురులేని ఫ్యాక్షన్ సామ్రాజ్యాన్ని విస్తరించిన గురుకు డాక్టర్ సత్య కంట్లో నలుసుగా మారుతాడు. సత్య జీవితంలోకి విజిల్ మహాలక్ష్మీ (కృతిశెట్టి) ఎలా ప్రవేశించింది. సత్య, మహాలక్ష్మీ ప్రేమ వ్యవహారం ఎలా సాగింది? డాక్టర్‌గా సత్య కర్నూలు ఫ్యాక్షన్‌ ఎలా ఎదుర్కొన్నాడు? గురు అక్రమాలను సహించలేని సత్య ఎలా నిర్ణయం తీసుకొన్నాడు. డాక్టర్‌గా సేవలందించే సత్య పోలీస్‌గా మారడం వెనుక ట్విస్ట్ ఏమిటి? పోలీస్ ఆఫీసర్‌గా కర్నూలుకు వచ్చిన సత్య.. గురు ఆగడాలకు ఎలా చెక్ పెట్టాడు. సత్య వేసే ఎత్తులను గురు ఎదిరించాడా? గురు అన్యాయాలకు సత్య ఎలా ముగింపు పలికాడు అనే ప్రశ్నలకు సమాధానమే ది వారియర్ సినిమా కథ.