విమానం

విమానం మూవీ డ్రామా ఎంటర్టైనర్ చిత్రం ఇందులో సముద్రఖని,  అనసూయ, ధన్‌రాజ్, రాహుల్‌ రామకృష్ణ, ధృవన్ వర్మ, మీరా జాస్మిన్, రాజేంద్రన్ తదితరులు నటించారు. ఈ సినిమాకి శివ ప్రసాద్‌ యానాల దర్శకత్వం వహించారు. సినిమాను జీ స్టూడీయోస్‌తో కలిసి కిరణ్‌ కొర్రపాటి సంయుక్తంగా నిర్మించారు. చరణ్ అర్జున్ సంగీతం అందించారు.  రిలీజ్   జూన్ 9న ఈ చిత్రం తెలుగు, త‌మిళ భాష‌ల్లో రిలీజ్ అయ్యింది.  కథ అంగవైకల్యంతోపాటు పేదరికంతో బాధపడుతూ సులభ్ కాంప్లెక్స్ నడుపుకొనే వీరయ్య (సముద్రఖని) కొడుకు రాజు (మాస్టర్ ధృవన్). తల్లి చిన్నతనంలోనే చనిపోవడంతో రాజును వీరయ్య అల్లారుముద్దుగా పెంచుతాడు. వీరయ్యకు తోడుగా అదే కాలనీలో ఆటో డ్రైవర్ (ధన్ రాజ్), చెప్పులుకుట్టే వృతి చేస్తే (రాహల్ రామకృష్ణ)‌తో సరదాగా జీవితాన్ని వీరయ్య, రాజు సాగిస్తుంటారు. ఊహ తెలిసినప్పటి నుంచి విమానాలంటే ఇష్టమే కాకుండా.. దానిలో ప్రయాణించాలనే కోరికతో రాజు ఉంటాడు. విమానం ఎక్కించమని తండ్రి వీరయ్యను రాజు పదే పదే కోరుతుంటాడు. విమానం ఎక్కాలని రాజు ఎందుకు కోరిక కలిగింది? పేదరికంతో బాధపడే వీరయ్య తన కొడుకును విమానం ఎక్కించడానికి ఎలాంటి ప్రయత్నాలు చేశారు? జీవనాధారమైన సులబ్ కాంప్లెక్స్‌ను అధికారులు కూల్చివేస్తే వీరయ్య పోషణకు ఎలాంటి ఇబ్బందులు ఎదురయ్యాయి? ఉద్యోగం చేసే చోట వీరయ్య ఎలాంటి అవమానాలు, కష్టాలు అనుభవించాడు? కాలనీలో సుమతి (అనసూయ భరద్వాజ్) వేశ్యవృ‌త్తిని ఎందుకు కొనసాగించింది? సుమతిపై చర్మకారుడు (రాహుల్ రామకృష్ణ) ఎందుకు మనసు పడ్డాడు? సుమతి తనను వెంటాడే చర్మకారుడిని ప్రేమను అంగీకరించిందా? విమానం ఎక్కాలనే కోరికను వీరయ్య తీర్చాడా? వీరయ్య, రాజు జీవిత ప్రయాణం ఎలా సాగిందనే ప్రశ్నలకు సమాధానమే విమానం సినిమా కథ.