ఇండియన్ 2: ఏఆర్ రెహమాన్‌ కావాలన్న కమల్ హాసన్.. కానీ శంకర్ ఎందుకిలా?

కమల్ హాసన్ నన్నే కోరుకున్నారు

ఇటీవల ఓ ఇంటర్వ్యూలో రెహమాన్ మాట్లాడుతూ ‘ఇండియన్ 2' గురించి పలు ఆసక్తికర విషయాలు తెలిపారు. కమల్ హాసన్ తనను సంగీత దర్శకుడిగా పెట్టాలని కోరారని, అయితే శంకర్ మాత్రం తనకు నచ్చిన వ్యక్తిని ఎంచుకున్నాడని తెలిపారు.

కొన్సిసార్లు బోర్ అనిపిస్తుంది

అయితే కొన్ని సార్లు వరుసగా ఒకరితోనే కలిసి పని చేయడం కూడా బోరింగ్ అనిపిస్తుంది. అందులో పెద్ద ఛాలెజింగ్ ఏమీ ఉండదు. శంకర్ ఈ నిర్ణయం తీసుకోవడం వెనక అది కూడా ఓ కారణం అయుండొచ్చు అని రెహమాన్ చెప్పుకొచ్చారు.

నాతో మరింత ఓవర్ వర్క్ చేయించడం ఇష్టం లేకనే?

2.0 గురించి రెహమాన్ మాట్లాడుతూ.. అది చాలా కష్టమైన ప్రాజెక్ట్ అని వెల్లడించారు. ఆ సినిమా వల్ల చాలా అలసి పోయాం. నాతో మరింత ఓవర్ వర్క్ చేయించడం ఇష్టం లేకనే ఆయన ‘ఇండియన్ 2' మూవీ విషయంలో అనిరుధ్ రవిచందర్‌ను ఎంచుకోవడానికి కారణం అయుండొచ్చు అన్నారు.

ఇండియన్ 2

‘ఇండియన్ 2' చిత్రాన్ని లైకా ప్రొడక్షన్స్ సంస్థ భారీ బడ్జెట్‌తో నిర్మిస్తోంది. కాజల్ అగర్వాల్ కథానాయిక. ఢిల్లీ గణేష్, సిద్ధార్థ్ కీలకమైన పాత్రలు పోషిస్తున్నారు. ఇప్పటి ట్రెండుకు తగిన విధంగా దేశంలో జరుగుతున్న అవినీతి కుంభకోణాలపై ఈ చిత్రం ఉంటుందని సమాచారం.