నా దేహం.. నా ఇష్టం.. త్వరలో మీ చెంతకు.. మీరెవరు ప్రశ్నించడానికి..

కసి కసిగా.. బేగం జాన్‌గా

కహానీ2 చిత్రానికి తగినంత ఆదరణ లభించని నేపథ్యంలో కసితో బేగం జాన్ చిత్రంలో నటించినట్టు బాలీవుడ్ వర్గాల సమాచారం. బేగం జాన్ చిత్రంలో వేశ్యాగృహానికి సంబంధించిన యజమానురాలి పాత్రలో కనిపించనున్నారు.

ఫస్ట్ లుక్‌కు విపరీతమైన క్యూరియాసిటీ

ఈ చిత్రానికి సంబంధించిన ఫస్ట్ పోస్టర్ విపరీతమైన క్యూరియాసిటిని పంచింది. మీరెవరూ ప్రశ్నించడానికి అనే అర్థం వచ్చే రీతిలో నశం పొడి రంగు గాగ్రా చోళిని ధరించిన ఆమె ఒక చేతిలో హుక్కాతో ఇచ్చిన ఫొటో నెటిజన్లను ఆకర్షిస్తున్నది.

దేశ విభజన సమయంలో బ్రోతల్..

1947లో దేశ విభజన సమయంలో కుటుంబానికి దూరమైన బ్రోతల్ యజమాని కథనే ఈ చిత్ర కథ. ఈ చిత్రానికి శ్రీజిత్ ముఖర్జీ దర్శకత్వం వహించారు. దేశ విభజన సమయంలో బ్రోతల్ కంపెనీ నడిపే యజమానిగా విద్య నటించారు. కొందరు మహిళలను బలవంతంగా పాకిస్థాన్‌కు, మరికొందరిని ఇండియాకు పంపిన తీరును ఈ చిత్రంలో చక్కగా చిత్రీకరించారట.

త్వరలో మీ చెంతకు వస్తున్నా..

బేగం జాన్ చిత్రానికి సంబంధించిన ఫస్ట్ లుక్‌ను ఇటీవల విద్యాబాలన్ ట్వీట్ చేసింది. త్వరలోనే మీ చెంతకు వస్తున్నా అంటూ ట్వీట్ చేసింది. ఈ చిత్రంలో నసీరుద్దీన్ షా, ఇలా అరుణ్, గౌహర్ ఖాన్, పల్లవి శ్రద్ధ, రజిత్ కపూర్, ఆషిష్ విద్యార్థి, వివేక్ ముష్రాన్, చంకీ పాండే, పూనమ్ సింగ్ రాజ్‌పుత్, రిధీమా తివారీ తదితరులు నటించారు.

బెంగాలీ వెర్షన్‌లో రాజ్ కహినీగా..

బెంగాలీలో రాజ్ కహినిగా రూపొందిన చిత్రం బేగం జాన్‌కు మాత‌ృక. బెంగాలీ చిత్రంలో విద్యా బాలన్ ప్రస్తుతం పోషించే పాత్రను రీతుపర్ణ సేన్‌గుప్త పోషించారు. ఈ చిత్రాన్ని హిందీలో రూపొందించాలని భావించినప్పుడు కేవలం విద్యా బాలన్‌ను మాత్రమే పరిగణనలోకి తీసుకొన్నారట.

పవర్ పాత్ర కేవలం విద్యకే సాధ్యం

అలాంటి పవర్‌ఫుల్ పాత్రలను పోషించాలంటే విద్యా బాలన్ లేదా రాణీ ముఖర్జీకే సాధ్యమవుతుంది. నా తొలి ఛాయిస్ విద్య. మరో నటి నా దృష్టికి రాలేదు నఅి దర్శకుడు ముఖర్జీ తెలిపారు.