పవన్ రాలేదు, కటౌట్ వచ్చింది...(అలీ వినూత్న ప్రయత్నం)

అలీ బాబా ఒక్కడే దొంగ

అలీ, సుజావారుణి హీరో హీరోయిన్లుగా ఫణిప్రకాష్ దర్శకత్వంలో కమల్ సినీ క్రియేషన్స్ పతాకంపై బొడ్డేడ శివాజీ నిర్మిస్తున్న చిత్రం ‘అలీ బాబా ఒక్కడే దొంగ'.

హీరోగా అలీకి 50వ చిత్రం

ఒకప్పుడు అలీ హీరోగా వరుస కామెడీ చిత్రాలు వచ్చాయి. అయితే అలీ గత కొంత కాలంగా హీరో పాత్రలకు దూరంగానే ఉంటున్నారు. చాలా గ్యాప్ తర్వాత ఆయన చేస్తున్న ఈ చిత్రం హీరోగా అలీకి 50వ సినిమా కావడం గమనార్హం.

ట్రిపుల్ ప్లాటినమ్ డిస్క్

ఇటీవల పవన్ కళ్యాణ్ చేతుల మీదుగా విడుదల చేసిన ఆడియో హిట్టయిన నేపథ్యంలో ఈ ట్రిపుల్ ప్లాటినమ్ డిస్క్ ఫంక్షన్ ఏర్పాటు చేసారు.

ముఖ్య అతిథులు

‘అలీ బాబా ఒక్కడే దొంగ' ట్రిపుల్ ప్లాటినమ్ డిస్క్ వేడుకకు ప్రముఖ దర్శకులు వివి వినాయక్, పూరి జగన్నాథ్, అల్లరి నరేష్, గిరిబాబు, తనికెళ్ల భరణి శోభారాణి తదితరులు హాజరయ్యారు.

థియేట్రికల్ ట్రైలర్ ఆవిష్కరణ

ఈ ట్రిపుల్ ప్లాటినమ్ డిస్క్ ఫంక్షన్ సందర్భంగా థియేట్రికల్ ట్రైలర్ విడుదల చేసారు. దర్శకుడు వివి వినాయక్ థియేట్రికల్ ట్రైలర్ ఆవిష్కరించగా, టీవీ ప్రమోషన్ ట్రైలర్ అల్లరి నరేష్, తనికెళ్ల భరణి విడుదల చేసారు.

పవన్ కళ్యాణ్ మాట్లాడుతూ..(వీడియో బైట్ ద్వారా)

అలీ హీరోగా చేస్తున్న 50వ సినిమా ఇది. దర్శకుడు, నిర్మాతలకు నా అభినందనలు. ఈ సినిమా పెద్ద విజయం సాధించాలని కోరుకుంటున్నాను అన్నారు.

అలీ మాట్లాడుతూ...

హీరోగా నాకు ఇది 50వ సినిమా. అలీ బాబా అరడజను దొంగల్లో నేను ఒకడిగా చేసాను. ఇపుడు అలీ బాబా ఒక్కడే దొంగలో హీరోగా చేసాను. అలీ అనే మొక్కను నాటింది ఇవివి గారైతే, నీళ్లు పోసింది మాత్రం ఎస్వీకృష్ణారెడ్డిగారే. తర్వాత రాజమౌళి, వినాయక్, పూరి జగన్నాథ్ వంటి దర్శకులు నాకు మంచి పాత్రలు ఇచ్చి బాగా ప్రోత్సహించారు. నా ఎదుగుదలకు సపోర్ట్ చేసిన ప్రతి ఒక్కరికి ధన్యవాదాలు అన్నారు.

వివి వినాయక్, పూరి జగన్నాథ్ అభినందనలు

ఈ సందర్భంగా ప్రముఖ దర్శకులు పూరి జగన్నాథ్, వివి వినాయక్ తదితరులు మాట్లాడుతూ సినిమా పెద్ద విజయం సాధించాలని ఆకాంక్షించారు.