రుద్రమదేవి: అల్లు అర్జున్ న్యూ లుక్ (ఫోటోలు)

గోన గన్నారెడ్డి

కాకతీయుల చరిత్రలో రుద్రమదేవితో పాటు చిరస్థాయిగా జనం గుండెల్లో నిలిచిపోయిన వ్యక్తి గోనగన్నారెడ్డి. అప్పట్లో వర్ధమానపురంగా పిలవబడిన నేటి మహబూబ్ నగర్ జిల్లా వడ్డెమాన్ కి చెందిన ఈ వీరుడిగాథ చాలా ఆసక్తికరం.

పాత్ర తీరు తెన్నలు

ఓ బందిపోటుగా, రాబిన్ హుడ్ తరహాలో జనం కోసం రుద్రమదేవితోనే పోటాపోటీగా తలపడ్డ పాత్ర. ధైర్య సాహసాలతో పాటు, ఎలాంటి సమస్యని అయినా, ఈజీగా గోయింగ్ గా ఫేస్ చేసే ఓ యూత్ ఫుల్ వారియర్ క్యారెక్టర్ ఇది. ఇంతటి ప్రాధాన్యత కలిగిన ఈ పాత్రకి ఎవరిని ఎంచుకోవాలా అని తర్జన భర్జన పడ్డ దర్శకుడు... అల్లు అర్జున్‌ను ఎంచుకున్నాడు.

అల్లు అర్జున్

దర్శకుడు గుణ శేఖర్ మాట్లాడుతూ...స్పెషల్ అప్పియరెన్స్ అయినా...సినిమా చూసాక రుద్రమదేవితో పాటు వెంటాడే అద్భుతమైన పాత్ర. చివరికి నా ఊహలో ఎలా ఉంటే ఈ పాత్ర బాగుంటుందని ఆశించానో, అలాంటి అద్భుతమైన ఆర్టిస్ట్, యూత్ ఐకాన్ ఈ పాత్ర చేయడానికి ముందుకొచ్చారు. తను మరెవరో కాదు బాక్సాఫీసులో రేసుగుర్రంలా దూసుకెలుతున్న అల్లు అర్జున్ అని చెప్పారు.

బన్నీ స్పూర్తి

అల్లు అర్జున్ ‘రుద్రమదేవి' సినిమాలో గోనగన్నారెడ్డి పాత్ర చేయడం ద్వారా ఈ జనరేషన్ హీరోలు కూడా ఇలాంటి చిత్రాలు చేయడానికి స్పూర్తిగా, నాందిగా నిలుస్తాడు. గోనగన్నారెడ్డి పాత్ర చేయడానికి అంగీకరించి, తెలుగు జాతి చరిత్రని, సంస్కృతిని గౌరవించిన బన్నీకి గతంలో నేను పడ్డ ‘బకాయి'ని ఈ చిత్ర ఘన విజయం ద్వారా తీర్చుకుంటాను అని గుణశేఖర్ తెలిపారు.