ఒకవేళ నేను చనిపోతే.. అమితాబ్ ట్వీట్‌పై దుమారం

ప్రపంచ ఫోర్బ్స్ జాబితాలో 18వ స్థానం

ప్రపంచ ఫోర్బ్ జాబితాలో అమితాబ్ బచ్చన్‌కు 18వ స్థానం ఉంది. ప్రపంచంలో అత్యధిక పారితోషికం తీసుకొనే నటుల్లో ఒకరిగా చరిత్ర సృష్టించారు. 70 ఏళ్ల వయసులో కూడా యువ హీరోలకు పోటీని ఇస్తున్నారు. ప్రస్తుతం ఆయన సంపద రూ.133 కోట్లు.

శ్వేత, అభిషేక్ బచ్చన్ సంతానం

భారత సినీ పరిశ్రమలో సెలబ్రిటీలకే సెలబ్రిటీ బిగ్ బీ. గత ఐదు దశాబ్దాలుగా పరిశ్రమలో రాణిస్తున్నారు. ఆయనకు 42 ఏళ్ల కూతురు శ్వేతానంద, 41 ఏళ్ల కుమారుడు అభిషేక్ బచ్చన్ ఉన్నారు. అభిషేక్ సినీ నటుడిగా రాణిస్తుండగా, నందా కాలమిస్ట్‌గా పనిచేస్తున్నది.

నేను చనిపోతే ఆస్తిని ఇలా పంచాలి

గురువారం అమితాబ్ బచ్చన్ ట్విట్టర్‌లో ఓ ప్లకార్డును పట్టుకొని ప్రకటన చేశారు. దాని సారాంశమేమిటంటే.. ఒకవేళ నేను చనిపోతే.. నా ఆస్తులను నా కుమార్తే, నా కుమారుడికి సమానంగా పంచాలి అని #WeAreEqual, #GenderEquality హ్యాష్ ట్యాగ్ పెట్టి ట్వీట్ చేశారు.

బిగ్ బీ ప్రకటనపై స్పందన..

అమితాబ్ ప్రకటనపై సోషల్ మీడియాలో మిశ్రమ స్పందన వ్యక్తమవుతున్నది. ఈ ప్రకటనపై లక్షలాది మంది నుంచి ప్రశంసల వెల్లువెత్తుతున్నది. కాగా ఆస్తుల పంపకాలపై బహిరంగ ప్రకటన చేయాల్సిన అవసరం లేదని కొందరు క్రిటిక్స్ అంటున్నారు.

మనవరాళ్లకు బీగ్ బీ సంచలన లేఖ

గతేడాది బిగ్ బీ తన మనువరాళ్లకు సోషల్ మీడియాలో లేఖ రాయడం కూడా సంచలనం రేపింది. తన మనువరాలు నవ్య నవేలి, ఆరాధ్యకు ఆయన బహిరంగ లేఖ రాశారు. తమ జీవితాన్ని తమకు ఇష్టం వచ్చినట్టు అనుభవించాలి అని లేఖలో పేర్కొన్నారు.

సర్కార్3 అమితాబ్ రెడీ

గతేడాది వజీర్, తీన్, పింక్ చిత్రాల్లో బిగ్ బీ నటించారు. ఈ ఏడాది సర్కార్ 3 చిత్రంలో నటించారు. త్వరలోనే అది విడుదల కానున్నది. బుధవారం విడుదలైన సర్కార్3 ట్రైలర్‌లో అమితాబ్ నటనపై మంచి స్పందన వ్యక్తమవుతున్నది.