లాస్య ని మర్చిపోను, అవన్నీ వెంట్రుకతో సమానం: యాంకర్ రవి

లాస్య సూసైడ్ :

వీరిద్దరూ జోడీగా కొన్ని ప్రోగ్రామ్స్ చేశారు. వీరిద్దరి మధ్య కెమిస్ట్రీ బాగా వర్కౌట్ అయ్యింది. కానీ ఆ టైమ్‌లో శ్రీముఖి రంగ‌ప్ర‌వేశంతో లాస్య కెరీర్‌కు ఫుల్‌స్టాప్ ప‌డింది. ర‌వితో బ్రేక‌ప్ కావ‌డంతో లాస్య సూసైడ్ ఎటెంప్ట్ చేసింద‌ని రూమ‌ర్లు వ‌చ్చాయి. దీనిపై లాస్య కూడా వివ‌ర‌ణ ఇచ్చింది.

పర్సనల్ విషయం కిందే:

ఒక కార్య‌క్ర‌మంలో ర‌వి, లాస్యల రిలేష‌న్ గురించి సుమ కూడా అడిగేసింది. తామిద్ద‌ర‌ము మంచి స్నేహితుల‌మ‌ని వారు చెప్పేశారు. అయినా ఎవరూ నమ్మలేదు. అంతే కాదు మధ్యలో శ్రీ ముఖీ రవీ క్లోజ్ గా కనిపించటమూ, ఉన్నట్టుండీ లాస్య బుల్లితెరకి దూరం జరగటమూ రవి లాస్యల పర్సనల్ విషయం కిందే లెక్కేసి మాట్లాడుకున్నారు చాలా మంది.

రాజా మీరు కేక:

ఈమధ్యే ఒక లైవ్ చాట్ లో మాట్లాడిన రవి ఫ్యాన్స్ వేసిన కొన్ని ప్రశ్నలకు సమాధానమిస్తూ.. లాస్యను మరిచిపోయే ప్రసక్తే లేదని, ఆమె మంచి స్నేహితురాలని రవి చెప్పాడు. తనతో టచ్‌లో ఉంటున్నానని, లాస్య త్వరలోనే ‘రాజా మీరు కేక' అనే సినిమాతో మన ముందుకు వస్తుందని, ఆ సినిమా కోసం తాను కూడా ఎంతగానో వెయిట్ చేస్తున్నట్టు చెప్పాడు.

మంచి కొలీగ్:

తనకు ఆమెకు ఏదో ఉందని నెగటివ్‌గా రాస్తున్నారు. నెగటివ్ విషయాలను తాను పెద్దగా పట్టించుకోను. నెగటివ్ వార్తలను వెంట్రుకతో సమానంగా తీసిపారేస్తాననీ చెప్పిన రవి. శ్రీ ముఖి విషయం లో కూడా ఒక క్లారిటీ ఇచ్చేసడు. శ్రీముఖి తనకు మంచి కొలీగ్ అని, తామంతా షోలో భాగంగానే అలా బిహేవ్ చేస్తాం ,

ముద్దులు పెట్టుకోవడం:

ముద్దులు పెట్టుకోవడం, తన్నుకోవడం వంటివి కేవలం షోలో భాగంగానే చేస్తాం తప్ప, వేరే ఉద్దేశం లేదని చెప్పాడు. తమ గురించి నెగటివ్‌గా రాస్తే అది ప్రమోషన్‌ గానే పనికొస్తుందని, టీవీల్లో కనిపించే మా గురించి ఫ్యాన్స్ మాట్లాడుకుంటారని.. అది నెగటివ్ అయినా తన కెరీర్ కి ప్లస్సే అవుతుందని రవి అన్నాడు.

మాట్లాడుకునే వెళ్తాం:

ఇక బయట ఈవెంట్స్ కి కూడా తాము ముందుగానే మాట్లాడుకునే వెళ్తాం తప్పా, బయట వాళ్ళు అనుకున్నట్టు ఏమీ ఉండదని రవి తెలిపాడు. అంతే కాదు మేము పక్కా ప్రొఫెషనల్ అని కూడా ఆవేశంగా రవి చెప్పాడు.