ఓ వైపు సినిమా ప్లాపు, కోతి అంటూ విమర్శలు... దర్శకుడి స్పందన!

విమర్శలకు బాధ పడను

‘విమర్శలకు నేనెప్పుడూ కృంగి పోలేదు. కానీ రణబీర్ కపూర్ మా వైపు నిలిచినందుకు థాంక్స్ చెబుతున్నాను. సినిమా ప్లాపయినా దర్శకులకు సపోర్టుగా స్టేట్మెంట్స్ ఇవ్వడం చాలా డిఫికల్ట్. రణబీర్ కపూర్ మాకు మద్దతుగా ఉన్నందుకు ఆనందంగా ఉంది' అని అనురాగ్ బసు అన్నారు.

రిషి కపూర్ విమర్శలపై

‘ఒక సినిమా తీసినపుడు రెండు రకాల ఒపీనియన్స్ వస్తాయి. సినిమా బావుందని కొందరు, బాగోలేదని కొందరు ఫీడ్ బ్యాక్ ఇస్తారు. ఇలాంటి వాటికి నేనేమీ బాధ పడను. అనురాగ్ బసు, అనురాగ్ కశ్యప్ ఇద్దరూ భిన్నమైన వ్యక్తులని ప్రేక్షకులకు తెలుసు' అని అనురాగ్ బసు చెప్పుకొచ్చారు.

అమితాబ్ మెచ్చుకున్నారు

‘జగ్గా జాసూస్' సినిమా చూసిన తర్వాత అమితాబ్ బచ్చన్ మెచ్చుకుంటూ ట్వీట్ చేశారు. అపుడు చాలా సంతోషించాను. మంచి కామెంట్స్ స్వీకరించినపుడు, నెగెటివ్ కామెంట్స్ కూడా స్వీకరించాలి' అని అనురాగ్ బసు అన్నారు.

పిల్లలను టార్గెట్ చేస్తూ తీసిన సినిమా

జగ్గా జాసూస్ సినిమా అనేది పిల్లలను టార్గెట్ చేస్తూ చేసిన సినిమా. వాళ్లను ఈ సినిమా ఎంతగానో మెప్పించిందని భావిస్తున్నాను. ఫ్యూచర్లో రణబీర్ కపూర్ తో మరిన్ని సినిమాలు చేస్తాను అని అనురాగ్ బసు చెప్పుకొచ్చారు.

ఇద్దరు డైరెక్టర్లను దారుణంగా ఇన్సల్ట్ చేస్తూ రిషి కపూర్ గతంలో...

‘జగ్గా జాసూస్' మూవీ ప్లాప్ టాక్ వచ్చిన వెంటనే రిషి కపూర్ అనురాగ్ బసుతో పాటు, అనురాగ్ కశ్యప్ లను టార్గెట్ చేసిన సంగతి తెలిసిందే. చిన్న సినిమాలకు మాత్రమే వారు సెట్టవుతారు. పెద్ద సినిమాలను హ్యాండిల్ చేయడం వారికి చేతకాదు. అలా చేయడం అంటే కోతి చేతిలో ఖరీదైన బొమ్మ పెట్టడమే.... అంటూ ఘాటుగా వ్యాఖ్యలు చేసిన విషయం తెలిసిందే.