బర్త్ డే స్పెషల్: అనుష్క గురించి ఆసక్తికర విషయాలు!

అనుష్క

అనుష్క అసలు పేరు స్వీటి శెట్టి. సినిమాల్లోకి వచ్చాక అనుష్కగా పేరు మార్చుకుంది. అనష్క సినీ రంగ ప్రవేశం అందాల ఆరబోతతోనే ప్రారంభం అయింది. తన సోకుల ప్రదర్శనతో కుర్రకారులో మధురభావనలు రేపింది. వేదంలో సరోజగా కవ్వించినా, బిళ్లాలో బికినీతో కనిపించినా, విక్రమార్కుడుతో అందాలతో విజృభించినా, రగడతో అందాల రచ్చరచ్చ చేసినా, ఇటీవల బాహుబలి, రుద్రమదేవి చిత్రాల్లో వీరనారిగా కనిపించినా ఆమెకు ఆమే పోటీ..సాటి అన్నట్లుగా వెండి తెరను ఏలుతోంది.

బిజీ హీరోయిన్

ప్రస్తుతం ఆమె తెలుగు, తమిళ భాషల్లో క్రేజీ హీరోయిన్ గా మారింది. మొదట్లో అనుష్క అందాల ప్రదర్శనకే ప్రాధాన్యత ఇచ్చింది. అయితే అరుంధతి నుంచి ఆమె ఇమేజ్ మారింది. అందులో ఆమె అద్బుత నటన విమర్శకుల ప్రశంసలు అందుకుంది. అప్పటి నుంచి స్టార్ హీరోయిన్ గా మారిన అనుష్క పలు భారీ ప్రాజెక్టుల్లో నటిస్తూ వస్తోంది

అనుష్క

తెలుగు సినిమా పరిశ్రమలో ప్రస్తుతం హీరోయిన్ల పాత్రలు కేవలం అందాల ఆరబోతకు, హీరోలతో రొమాన్స్ చేయడానికి మాత్రమే పరిమితం అవుతున్నాయి. కానీ వీరందరికీ భిన్నంగా రాణిస్తోంది హాట్ అండ్ సెక్సీ తార అనుష్క. ఇటు గ్లామర్ పాత్రలతో పాటు అటు భారీ యాక్షన్ పాత్రలకు ఆమెను మించిన ఆప్షన్ తెలుగు ఫిల్మ్ మేకర్స్‌కు దొరకడం లేదు. హీరోయిన్ గా టాప్ లో ఉన్న అనుష్క ‘సైజ్ జీరో' లాంటి సినిమాలు చేయడం విశేషం. ఈ సినిమా కోసం ఆమె భారీగా బరువు పెరిగారు.

భారీ ప్రాజెక్టులు...

అనుష్క నటించిన బాహుబలి 2 మూవీ ఇటీవలే విడుదలైంది. గ్లామర్ పాత్రలతో పాటు, భారీ యాక్షన్ పాత్రలకు అనుష్కను మించిన ఆప్షన్ తెలుగు ఫిల్మ్ మేకర్స్‌కు దొరకడం లేదు. ప్రస్తుతం ‘భాగమతి' అనే చిత్రంలో అనుష్క నటిస్తోంది.