బాహుబలి2 మరో రికార్డు.. రిలీజ్‌కు ముందే అమెరికాలో..

యూఎస్‌లో రికార్డు

తొలిరోజే అత్యధిక కలెక్షన్లను వసూలు చేసిన భారతీయ చిత్రంగా బాహుబలి2 ఓ రికార్డు నెలకొల్పింది. అడ్వాన్స్ బుకింగ్ ద్వారా రూ.19 కోట్లు ( 3 మిలియన్ అమెరికా డాలర్లు) వసూలు చేసింది అని రమేశ్ బాలా తెలిపారు. గంటకు రూ.64 లక్షల (100000 డాలర్లు) చొప్పున టికెట్లు అమ్ముడు పోయాయి అని ట్విట్టర్‌లో తెలిపారు.

అత్యధిక షోలు..

బాహుబలి2 చిత్రం ప్రపంచవ్యాప్తంగా 9 వేల స్క్రీన్లలో విడుదల అవుతున్నది. తెలంగాణ, ఆంధ్రప్రదేశ్ ప్రభుత్వాలు ప్రత్యేక షోల ప్రదర్శనలకు అనుమతి ఇచ్చిన సంగతి తెలిసిందే. తెలంగాణలో ప్రతీ రోజు 5 షోలు, ఏపీలో 6 షోలు ప్రదర్శించేందుకు ప్రభుత్వాలు గ్రీన్ సిగ్నల్ ఇచ్చింది.

వంద కోట్ల దిశగా..

అధిక థియేటర్లలో విడుదల కావడం, ప్రేక్షకుల నుంచి మంచి రెస్పాన్స్ వస్తుండటంతో ఈ చిత్రం భారీ కలెక్షన్లను రాబట్టే అవకాశం ఉంది. ఈ చిత్రం రూ.1000 కోట్ల వసూళ్లను రాబట్టే అవకాశముందని ట్రేడ్ అనలిస్టులు అంచనా వేస్తున్నారు.

రిలీజ్‌కు సిద్ధం..

బాహుబలి1 చిత్రానికి కొనసాగింపుగా వస్తున్న బాహుబలిలో ప్రభాస్, రానా దగ్గుబాటి, అనుష్కశెట్టి, తమన్నా, సత్యరాజ్, రమ్యకృష్ణ తదితరులు నటించారు. ఈ చిత్రం ఏప్రిల్ 28 (శుక్రవారం)న రిలీజ్‌కు సిద్ధమవుతున్నది.