జపాన్‌లో బాహుబలి అరాచకం..100 రోజులు దాటినా తిరుగులేకుండా!

దర్శక ధీరుడి విజన్

దర్శక ధీరుడు రాజమౌళి విజన్ కు ప్రతిరూపం బాహుబలి చిత్రం. ప్రభాస్, రానా పోటా పోటీగా నటించారు. దేవసేనగా అనుష్క ఆకట్టుకుంది. బాహుబలి మొదటి భాగంతో అంచనాలని పెంచిన రాజమౌలి, రెండవ భాగంలో అద్భుతమే చేసాడు.

Recommended Video

Barath Ane Nenu Hope To Cross Bahubali In Collections

దేశ విదేశాల్లో

బాహుబలి చిత్రం ఇండియాలోనే కాదు దేశ విదేశాల్లో సైతం అద్భుతాలు చేసింది. బాహుబలి చిత్రం చైనాలో కూడా విడుదలై రాణించింది.

100 రోజులు పూర్తి

బాహుబలి 2 చిత్రం జపాన్ లో సంచలనాలు సృష్టిస్తోంది. మంగళవారంతో బాహుబలి 2 జపాన్ లో 100 రోజులు పూర్తి చేసుకోవడం విశేషం.100 రోజులు దాటిన తరువాత కూడా ఈ చిత్రం అద్భుతంగా రాణిస్తోంది. ఈ చిత్రం జపాన్ లో 1.3 మిలియన్ డాలర్లు వసూలు చేసినట్లు నిర్మాత శోభు యార్లగడ్డ సోషల్ మీడియా ద్వారా ప్రకటించారు.

బాహుబలి ప్రభంజనం

బాహుబలి 2 చిత్రం గత ఏడాది ఏప్రిల్ 28 న విడుదలైన సంగతి తెలిసిందే. ఈ చిత్రం తొలిరోజే 100 కోట్లు కలెక్షన్లు సాధించడం విశేషం. 10 రోజులు తిరిగేసరికి 1000 కోట్ల క్లబ్ లో చేరిపోయింది.

ఎక్కువగా మాట్లాడుకున్న అంశం

బాహుబలి 2 చిత్రంలో అంతా చర్చించుకున్న మరో అంశం విజువల్ ఎఫెక్ట్స్. ఏ చిత్రంలో అద్భుతమైన గ్రాఫిక్స్ తో అబ్బురపరిచారు. మాహిష్మతి రాజ్యాన్ని విజువల్ ఎఫెక్ట్స్ తో చూపించిన విధానం అభిమానులని ఆకట్టుకుంది. ప్రభాస్, రానా మధ్య పోరాట సన్నివేశాలు, అనుష్కతో రొమాన్స్ ప్రేక్షకులని ఆకట్టుకున్నాయి.