50 మిలియన్, బాహుబలి ఆల్ ఇండియా రికార్డ్‌పై రాజమౌళి స్పందన

‘బాహుబలి-ది కంక్లూజన్’ ట్రైలర్ గురువారం రిలీజై ఇప్పటి వరకు ఉన్న రికార్డులను తుడిచిపెట్టేసి ఆలిండియా రికార్డ్ నెలకొల్పింది.

By Bojja Kumar

Updated: Friday, March 17, 2017, 16:37 [IST]

హైదరాబాద్: 'బాహుబలి-ది కంక్లూజన్' ట్రైలర్ గురువారం రిలీజై ఇప్పటి వరకు ఉన్న రికార్డులను తుడిచిపెట్టేసి ఆలిండియా రికార్డ్ నెలకొల్పింది. ఈ చిత్రానికి సంబంధించిన ట్రైలర్ తెలుగు, హిందీ, మళయాలం, తమిళంలో రిలీజ్ అవ్వగా.... 24 గంటల్లో 50 మిలియన్ (5 కోట్లు) వ్యూస్ సొంతం చేసుకుంది. యూట్యూబ్ తో పాటు ఫేస్ బుక్, ఇతర మాద్యమాలన్నింటి ద్వారా కలిపి 24 గంటల్లో ఇంత రెస్పాన్స్ వచ్చింది. దీనిపై రాజమౌళి స్పందించారు.

ట్రైలర్ ను ఇంతగా ఆదరించిన ప్రేక్షకులకు ఈ సందర్భంగా బాహుబలి చిత్ర యూనిట్ కృతజ్ఞతలు తెలియజేసింది. ట్రైలర్ కు ఒక్కరోజుల్లో ఇంత రెస్పాన్స్ వచ్చిందంటే సినిమాపై ప్రేక్షకుల్లో అంచనాలు ఎలా ఉన్నాయో అర్థం చేసుకోవచ్చు.

50 మిలియన్

ఇప్పటి వరకు ఇండియాలో ఏ సినిమాకు సంబంధించిన ట్రైలర్ కు కూడా ఒక్కరోజులో ఇంత భారీ స్పందన రాలేదు. ప్రేక్షకుల్లో అంచనాలు భారీగా ఉన్న నేపథ్యంలో వచ్చే నెలలో విడుదల కాబోతున్న సినిమాకు రెస్పాన్స్ భారీగా ఉంటుందని అంచనా వేస్తున్నారు.