Akhanda: ఆస్ట్రేలియాలో ఆగిపోయిన సినిమా.. థియేటర్‌లో బాలయ్య ఫ్యాన్స్‌కు పోలీసుల వార్నింగ్

‘అఖండ'గా వచ్చేసిన బాలయ్య

నందమూరి బాలకృష్ణ.. బోయపాటి శ్రీను కాంబినేషన్‌లో వచ్చిన చిత్రమే 'అఖండ'. సింహా, లెజెండ్ తర్వాత వీళ్లిద్దరి కాంబోలో వచ్చిన ఈ మూవీని ద్వారకా క్రియేషన్స్ బ్యానర్‌పై మిర్యాల రవీందర్ రెడ్డి నిర్మించాడు. ఈ మూవీలో ప్రగ్యా జైస్వాల్ హీరోయిన్‌గా చేసింది. శ్రీకాంత్ నెగెటివ్ రోల్ చేశాడు. ఎస్ థమన్ ఈ మూవీకి సంగీతం సమకూర్చాడు. ఇది నేడే విడుదల అయింది.

భారీ బిజినెస్.. గ్రాండ్‌గా విడుదల

'అఖండ' మూవీకి దాదాపు రూ. 53 కోట్ల వరకూ ప్రీ రిలీజ్ బిజినెస్ జరిగింది. ఇది బాలయ్య కెరీర్‌లో రెండో అత్యధిక బిజినెస్. అందుకు అనుగుణంగానే ఈ సినిమాను ప్రపంచ వ్యాప్తంగా భారీ స్థాయిలో విడుదల చేశారు. అన్ని ప్రాంతాలను కలుపుకుని దీన్ని దాదాపు 1600లకు పైగా థియేటర్లలో తీసుకొచ్చారు. సెకెండ్ వేవ్ తర్వాత ఇది భారీ రిలీజ్ అన్న విషయం తెలిసిందే.

పాజిటివ్ రివ్యూ.. సూపర్ హిట్ టాక్

ఎంతో ప్రతిష్టాత్మకంగా తెరకెక్కిన 'అఖండ' మూవీకి ప్రీమియర్ షోల నుంచే భారీ రెస్పాన్స్ వచ్చింది. ప్రపంచ వ్యాప్తంగా ఈ సినిమాను ఫ్యాన్స్ కోలాహలం నడుమ ప్రేక్షకుల ముందుకు తీసుకుని వచ్చారు. అందుకు అనుగుణంగానే దీనికి ఆరంభం నుంచే సూపర్ డూపర్ హిట్ టాక్ వచ్చింది. దీనికితోడు విమర్శకుల నుంచి ఈ మూవీకి పాజిటివ్ రివ్యూలు వచ్చాయి.

ఆ దేశాల్లో కూడా వచ్చిన సినిమా

నందమూరి బాలకృష్ణకు ప్రపంచ వ్యాప్తంగా పలు దేశాల్లో అభిమానులు ఉన్న విషయం తెలిసిందే. అందుకే 'అఖండ' మూవీని అమెరికా, ఆస్ట్రేలియాతో పాటు పలు సినిమాల్లో విడుదల చేశారు. అక్కడ కూడా ఈ సినిమా ప్రదర్శితం అయ్యే థియేటర్లు కళకళలాడిపోయాయి. ఫ్యాన్స్ హంగామాతో మోత మోగిపోయాయి. దీంతో బాలయ్య స్టామినా మరోసారి నిరూపణ అయింది.

ఆస్ట్రేలియాలో ఆగిన ‘అఖండ'

అమెరికాలోనే కాదు.. 'అఖండ' మూవీ ఆస్ట్రేలియాలో కూడా చాలా స్క్రీన్స్‌లో విడుదలైంది. మరీ ముఖ్యంగా బ్రిస్బేన్‌లో సైతం పలు స్క్రీన్లలో ఈ చిత్రం ప్రేక్షకుల ముందుకు వచ్చింది. దీంతో ప్రీమియర్స్ నుంచే ఆయా థియేటర్లలో అభిమానులు రచ్చ చేశారు. ఇలాంటి పరిస్థితుల్లో బ్రిస్బేన్‌లోని ఓ స్క్రీన్‌లో 'అఖండ' సినిమాను ఆపేసి పోలీసులు రంగ ప్రవేశం చేశారు.

Recommended Video

Mahesh Babu To Undergo Surgery | SSMB Response On Akhanda

ఫ్యాన్స్‌కు పోలీసులు వార్నింగ్

బ్రిస్బేన్‌లో 'అఖండ' సినిమా ప్రదర్శన అవుతోన్న ఓ థియేటర్‌లో నందమూరి అభిమానులు కేరింతలో రచ్చ రచ్చ చేశారు. అప్పుడు థియేటర్ యాజమాన్యం పోలీసులకు ఫిర్యాదు చేసింది. దీంతో పోలీసులు రంగ ప్రవేశం చేసి సినిమాను కాపేపు ఆపేశారు. అంతేకాదు, ఇకపై అలా రచ్చ చేస్తే తగిన మూల్యం చెల్లించుకోక తప్పదని వార్నింగ్ ఇచ్చారు. ఈ వీడియో వైరల్ అవుతోంది.