ఫైటర్ చిత్రంలో విజయ్ దేవరకొండ తండ్రిగా బాలీవుడ్ స్టార్ హీరో

సూపర్ పవర్ స్టార్ విజయ్ దేవరకొండ నటిస్తున్న ఫైటర్‌ చిత్రంలో మరో బాలీవుడ్ నటుడు చేరారు. ప్రముఖ దర్శకుడు పూరి జగన్నాథ్ రూపొందిస్తున్న ఈ చిత్రంలో బాలీవుడ్ నటుడు సునీల్ శెట్టి కీలక పాత్రను పోషిస్తున్నారు. ఈ చిత్రంలో విజయ్ దేవరకొండకు తండ్రిగా సునీల్ శెట్టి కనిపించబోతున్నాడు.

ఫైటర్ చిత్రంలో కథలో భాగంగా వచ్చే ఫ్లాష్ బ్యాక్‌లో సునీల్ శెట్టి పాత్ర వస్తుంది. ఆ పాత్ర ప్రత్యేక పాత్రగా ఉంటుంది. అయితే ఈ వార్తను ఇంకా చిత్ర యూనిట్‌ ధృవీకరించారు. అయితే లాక్‌డౌన్‌కు శరవేగంగా సాగిన షూటింగ్ కరోనావైరస్ పరిస్థితుల కారణంగా వాయిదా పడింది.

లాక్‌డౌన్ తర్వాత ఫైటర్‌ షూటింగ్‌ను మొదలుపెట్టడానికి ఏర్పాట్లు చేస్తున్నారు. అయితే షూటింగ్ ప్రారంభమైన తర్వాత సునీల్ శెట్టి ఈ షూటింగులో పాల్గొంటారని తెలుస్తున్నది. ఫైటర్ చిత్రంలో విజయ్ దేవరకొండ బాక్సర్‌గా నటిస్తున్నారు. హీరోయిన్‌గా అనన్యపాండే టాలీవుడ్‌లోకి అడుగుపెడుతున్నారు. ఇక ఈ చిత్రంలో విజయ్ దేవరకొండకు తల్లిగా రమ్యకృష్ణ నటిస్తున్నారు. ఈ చిత్రం తెలుగు, హిందీ భాషల్లో రూపొందుతున్నది.

ఇక ఫైటర్ టైటిల్‌ను మార్చే పనిలో ఉన్నారనే వార్త మీడియాలో చక్కర్లు కొడుతున్నది. ఈ సినిమామకు లైగర్ అనే టైటిల్ పరిశీలనలో ఉందనే తెలుస్తున్నది. ఈ టైటిల్ వెనుక ఆసక్తికరమైన కథ ఉండటంతో లైగర్‌నే ఖారారు చేద్దామనే ఆలోచనలో ఉన్నట్టు సమాచారం.