రాశితో చేద్దామనుకుంటే..రేష్మితో కాపీ కొట్టేసి తీసేసారు, కోర్టుకు కేసు,కాపీ ఆధారాలు

''బాలు మహేంద్ర దర్శకత్వంలో జయరామ్, సరిత జంటగా నటించిన తమిళ సినిమా 'జూలీ గణపతి'ని తెలుగులో రీమేక్ చేయాలని డబ్బింగ్, రీమేక్ రైట్స్ కొన్నాను.మా కథను చోరీ చేసి 'చారుశీల' తీశారు'' అని కూనిరెడ్డి శ్రీనివాస్ ఆరోపణలు చేశారు.

ఆధారాలతో సహా 'చారుశీల' దర్శక-నిర్మాతలను సంప్రదించగా నిర్లక్ష్య ధోరణి ప్రదర్శిస్తున్నారని అన్నారు.

స్టార్ ఆర్టిస్టులతో రీమేక్ చేయాలని డబ్బింగ్ వెర్షన్ రిలీజ్ చేయలేదు.

ఈ సినిమా కోసం 'శూర్పణక' టైటిల్ కూడా రిజిస్టర్ చేయించా.

మేలో 'చారుశీల' స్టిల్స్ చూడగా సందేహం కలిగింది. వెంటనే ఎలర్ట్ అయ్యా

చిత్ర నిర్మాత సాగర్‌గారిని సంప్రదిస్తే, ఫస్ట్ కాపీ వచ్చాక చూద్దామన్నారు.

ట్రైలర్ అయితే మక్కీకి మక్కీ కాపీ. వారి నుంచి ఎటువంటి స్పందన రాలేదు

స్పందన లేకపోవడంతో వేరే దారి లేక కోర్టును ఆశ్రయించా.

ఇంతలో ఈ నెల 18న 'చారుశీల' విడుదల అని ప్రకటించారు. బయ్యర్లకు నిజాలు తెలియాలనే ఉద్దేశంతో ప్రెస్‌మీట్ పెట్టాను. న్యాయం జరిగే వరకూ పోరాడతాను'' అని చెప్పారు.

సినిమాను ప్రారంభించేందుకు సన్నాహాలు చేస్తున్న తరుణంలో చారుశీల పోస్టర్స్ చూశాను. నా సినిమా కథకు దగ్గరి పోలికలు ఉండటంతో న్యాయం కోసం చారుశీల నిర్మాతలను సంప్రదించాను.

జూలీ చిత్రం డబ్బింగ్‌, రీమేక్‌ రైట్స్‌ను తాను తీసుకున్నానని తెలిపారు. తన అనుమతి లేకుండా చారుశీల చిత్రంలో 'జూలీ' కథను ఎలా వాడుకుంటారని ప్రశ్నించారు.