మరో మెగా ప్రాజెక్ట్ ప్రారంభం.. మళ్లీ రికార్డులు తిరగరాసేందుకు రెడీ.. చిరు, కొరటాల మూవీ ప్రారంభం

మిర్చి, శ్రీమంతుడు, జనతా గ్యారెజ్, భరత్ అనే నేను..

హీరోలను అంతకుముందు కంటే స్టైలీష్గా, పవర్ ఫుల్గా, చూపించడంలో కొరటాల శివ దిట్టా. మిర్చితో ప్రభాస్ మరోరేంజ్ కు వెళ్లిపోయాడు. శ్రీమంతుడు సినిమాతో భారీ బ్లాక్ బస్టర్ హిట్ కొట్టేసి.. మళ్లీ ఫామ్లోకి వచ్చాడు మహేష్ బాబు. జనతా గ్యారెజ్ తో ఎన్టీఆర్ ను పూర్తిగా మార్చేసి.. నటనలోనూ పరిణితి చూపించేలా చేశాడు. ఇలా ప్రతీ స్టార్ కు మళ్లీ ఓ రేంజ్ మార్కెట్ ను తీసుకొచ్చేలా చేసే కొరటాల శివ.. మహేష్ బాబును రెండోసారి డైరెక్ట్ చేసి భరత్అనే నేనుతో ఇండస్ట్రీ హిట్ సినిమాను తీశాడు.

ప్రస్తుతం మెగాస్టార్ తో..

భరత్ అనే నేను చిత్రం తరువాత కొరటాల చెప్పిన కథకు చిరు ఓకే చెప్పడం.. అప్పటి నుంచి ఆ కథను చెక్కడంలో బిజీ అయ్యాడు కొరటాల. అయితే సైరా సినిమా ఆలస్యం అవుతుండటంతో ఈ మూవీ పట్టాలెక్కడానికి చాలా సమయం పట్టింది. అయితే విజయ దశమి సందర్భంగా ఈ మూవీని అధికారికంగా ప్రారంభించారు.

మంచి ముహుర్తంలో ప్రారంభం..

విజయ దశమి రోజున చిరు, కొరటాల మూవీని చిత్ర నిర్మాతలు ప్రారంభించారు. కొణిదెల ప్రాడక్షన్స్, మ్యాటినీ ఎంటర్టైన్ మెంట్స్ సంయుక్తంగా ఈ చిత్రాన్ని నిర్మిస్తుండగా.. జనతా గ్యారెజ్, భరత్ అనే నేను సినిమాకు సినిమాటోగ్రఫర్ గా పనిచేసిన తిరు ఈ సినిమాకూ పనిచేస్తున్నాడు. వీరందరి సమక్షంలో పూజా కార్యక్రమాలు జరిగాయి.

సైరా జోష్లో ఉన్న మెగాస్టార్..

సైరా చిత్రం అద్భుతమైన విజయం సాధించడంతో మెగాస్టార్ చిరంజీవి ఆనందంలో మునిగి తేలుతున్నాడు. దసరా సెలవలుండటంతో కలెక్షన్లో సైరా కొత్త రికార్డులను క్రియేట్ చేస్తోంది. ఇక ఈ మూవీ బ్లాక్ బస్టర్ హిట్గా నిలవడంతో మెగా ఫ్యామిలీ ఇంట సంబరాలు ఆకాశన్నంటాయి. ఇదే జోష్లో చిరు తన తదుపరి చిత్రాన్ని ప్రారంభించేశాడు. ఈ కార్యక్రమానికి అంజనా దేవీ, సురేఖ, సుష్మిత హాజరయ్యారు. ఇంకా నిర్మాత డీవీవీ దానయ్య, రామజోగయ్య శాస్త్రిలాంటి వారు కూడా విచ్చేశారు. ఈ చిత్రానికి సురేష్ సెల్వరాజన్ ప్రొడక్షన్ డిజైనర్ గా పని చేస్తుండగా.. ఎడిటింగ్ బాధ్యతలను శ్రీకర్ ప్రసాద్ తీసుకున్నారు. రెగ్యులర్ షూటింగ్ త్వరలోనే ప్రారంభమవుతుందని నిర్మాతలు తెలిపారు.