ఇంద్ర సినిమా గుర్తొచ్చింది.. కొత్తగా అనిపించింది.. చిరంజీవి

కథ విన్నప్పుడు చాలా కొత్తగా అనిపించింది..

ఈ సందర్బంగా చిరంజీవి మాట్లాడుతూ ఈ చిత్ర కథ విన్నప్పుడు చాలా కొత్తగా అనిపించిందని తనకెంతో ఆప్తురాలైన రాధిక ఈ చిత్రాన్ని నిర్మించడం చాలా సంతోషంగా ఉందని అన్నారు. ఈ చిత్రం ఘన విజయం పొంది భారీ విజయం సాధించాలని కోరుకుంటున్నట్లు ఆయన తెలిపారు.

విజయ్ ఆంటోని మల్టీ టాలెంట్

సంగీత దర్శకుడైన విజయ్ ఆంటోని ఇందులో యాక్షన్, ఎమోషన్స్ చక్కగా పండించి ఉంటారని అన్నారు. ఈ చిత్రానికి ఎడిటింగ్ బాధ్యతలు కూడా నిర్వర్తిస్తూ తాను మల్టీ టాలెంట్ అని నిరూపించుకుంటున్నారని తెలుగు ప్రక్షకులు విభిన్నమైన చిత్రాలను ఎప్పుడూ ఆదరిస్తారని ఆయన అన్నారు.

చిరంజీవిగారికి కృతజ్ఞతలు.. రాధిక

చిత్ర నిర్మాత రాధిక మాట్లాడుతూ ... "విజయ్‌ ఆంటోనిగారి సినిమాలకు తెలుగులో క్రేజ్‌ ఉందని ఆయన నటించిన బిచ్చగాడు సినిమా తెలుగులో రికార్డ్‌ కలెక్షన్స్‌తో సెన్సేషన్‌ క్రియేట్‌ చేశాయని, ఈ చిత్రం కూడా అదే స్థాయిలో విజయం సాధిస్తుందని ఆశాభావం వ్యక్తం చేశారు.తమ సినిమా ఫస్ట్‌లుక్ విడుదల చేసి సపోర్ట్‌ చేసిన మెగాస్టార్‌ చిరంజీవిగారికి కృతజ్ఞతలు తెలిపారు. అన్ని కార్యక్రమాలను పూర్తి చేసి సినిమాను త్వరలోనే ప్రేక్షకుల ముందుకు తీసుకు రానున్నట్లు చెప్పారు.

నటీనటులు, సాంకేతిక వర్గం

హీరో: విజయ్‌ ఆంటోని, హీరోయిన్లు: డయానా చంపిక, మహిమ, జ్యువెల్‌ మేరీ, రాధా రవి, కాళి వెంకట్‌, నళిని కాంత్‌, రింధు రవి తదితరులు ఈ చిత్రంలో నటిస్తున్నారు. సాహిత్యం: భాషా శ్రీ, కొరియోగ్రఫీ: కల్యాణ్‌, స్టంట్‌: రాజశేఖర్‌, ఆర్ట్‌: ఆనంద్‌ మణి, ఎడిటర్‌, మ్యూజిక్‌ డైరెక్టర్‌: విజయ్‌ ఆంటోని, సినిమాటోగ్రఫీ: కె.దిల్‌రాజు, లైన్‌ ప్రొడ్యూసర్‌: శాండ్రా జాన్‌సన్‌, నిర్మాతలు: రాధికా శరత్‌కుమార్‌, ఫాతిమా విజయ్‌ ఆంటోని, దర్శకత్వం: జి.శ్రీనివాసన్‌.