దుర్మార్గుడు మావాడే అని చిరంజీవి చెప్పినా... ఇంకా వీడని అయోమయం!

151 సినిమా బోయపాటితో అనుకున్నారు కానీ...?

మెగాస్టార్ చిరంజీవి హీరోగా న‌టించే 151వ సినిమా గీతా ఆర్ట్స్ బ్యాన‌ర్‌లో బోయ‌పాటి ద‌ర్శ‌కుడిగా అనుకున్నాం. కానీ బోయ‌పాటితో కొన్ని కార‌ణాల వ‌ల్ల ఆల‌స్య‌మ‌వుతోంది. ఆయన ఇటీవలే ఓ సినిమా మొదలు పెట్టారు. ఆ సినిమా పూర్తి కావడానికి ఇంకా సమయం పడుతుందని అల్లు అరవింద్ ఇటీవల ఇంటర్వ్యూలో తెలిపారు.

కథ బాగా రావాలి, ఈ లోగా చరణే చేస్తాడు

బోయపాటితో చిరంజీవి సినిమాకు అనుకున్న కథ సుమారుగానే సిద్ధ‌మైంది. ఇంత పెద్ద హిట్ త‌ర్వాత భ‌యం వేసింది. మరింత జాగ్రత్త‌గా ఉండాలి. అందుకే నేను వేచి చూస్తున్నా. ఆర్నెళ్ల‌పాటు కథపై బాగా కసరత్తు చేసిన తర్వాత బాగా వ‌చ్చాకే చేయాల‌న్న‌ది ఆలోచ‌న‌. ఈలోగానే చ‌ర‌ణ్ వేరొక సినిమా(151) చిరంజీవితో చేస్తారు అని అల్లు అరవింద్ తెలిపారు.

ఉయ్యాలవాడ నరసింహా రెడ్డి

చిరంజీవి తర్వాతి సినిమాల కోసం చాలా కథలు పరిశీలనలో ఉన్నాయి. అందులో పరుచూరి బ్రదర్స్ రాసిన ఉయ్యాలవాడ నరిసింహారెడ్డి కథ కూడా ఒకటి. అయితే ఇంకా తుది నిర్ణయానికి రాలేదు అని అరవింద్ తెలిపారు.

సురేందర్ రెడ్డి

చరణ్ బాబుతో హిట్ సినిమా చేసాడు కాబట్టి... చిరంజీవి చేయబోయే తర్వతి సినిమాలకు సురేందర్ రెడ్డి పేరు కూడా వినిపించడం సహజం. 151వ సినిమా రామ్ చరణ్ నిర్మిస్తాడనే విషయం తప్ప ఇంకా ఏ విషయం కొలిక్కి రాలేదని అల్లు అరవింద్ తెలిపారు.

ఇంత పెద్ద హిట్ కావడానికి కారణం కథ కాదు

‘ఖైదీ నెం 150' మూవీ ఇంత పెద్ద హిట్టవ్వడానికి కారణం... క‌థాంశాన్ని మించి చిరంజీవి కంబ్యాక్ వెయిటేజీ చూడాల‌నే జ‌నం థియేట‌ర్ల‌కు వ‌చ్చార‌ని నేను న‌మ్ముతాను. ఓవ‌ర్సీస్‌లోనూ రియాక్ష‌న్ పెద్ద పండుగ‌లా ఉంది. చిరంజీవి గారిని చూడాల‌ని సెల‌వులు పెట్టి మ‌రీ థియేట‌ర్ల‌కు వ‌చ్చారు. మ‌స్క‌ట్‌లో తెలుగువారికి కంపెనీలు సెల‌వులిచ్చాయంటే అర్థం చేసుకోవ‌చ్చు అని అల్లు అరవింద్ తెలిపారు.

ఐదేళ్లుగా అనుకుంటున్నాం

‘ఖైదీ నెం 150' మూవీని రామ్‌చ‌ర‌ణ్ నిర్మించ‌డానికి ప్ర‌త్యేక కార‌ణం ఉంది. ఐదేళ్లుగా మెగాస్టార్ ఇంట్లో ఓ బ్యాన‌ర్‌ని ఎస్టాబ్లిష్ చేయాల‌నుకుంటున్నా స‌రైన వేదిక ఈ 150వ సినిమా అనిపించి రామ్‌చ‌ర‌ణ్ ప్రారంభించారు అని అల్లు అరవింద్ తెలిపారు.