కుట్ర చేస్తున్నారంటూ హాట్ హీరోయిన్ ఆవేదన!(ఫోటో ఫీచర్)

శ్రీయ

11 సెప్టెంబర్ 1982లో జన్మించిన శ్రీయ వయసు 30 సంవత్సరాలు దాటింది. ఉత్తరఖండ్ రీజియన్లోని డెహ్రడూన్‌లో శ్రీయ జన్మించింది.

విద్యాబ్యాసం

హరిద్వార్‌, ఢిల్లీలోని ఢిల్లీ పబ్లిక్ స్కూల్స్‌లో శ్రీయ పాఠశాల విద్య సాగింది. ఢిల్లీలోని లేడీ శ్రీ రామ్ కాలేజీ నుండి బ్యాచిలర్ ఆఫ్ ఆర్ట్స్ డిగ్రీ పొందింది.

తెలుగు సినిమాతో కెరీర్ ప్రారంభం

శ్రీయ క్లాసికల్ డాన్సర్ కావడంతో ఓ వీడియో చిత్రీకరణలో పాల్గొంది అలా ఆమె సినిమా వాళ్ల దృష్టిలో పడింది. ఇష్టం అనే తెలుగు సినిమాలో తొలి అవకాశం దక్కించుకుంది.

సంతోషం సినిమాతో గుర్తింపు

వెంటనే నాగార్జున హీరోగా తెరకెక్కిన ‘సంతోషం' సినిమాలో అవకాశం దక్కడంతో శ్రీయకు మంచి గుర్తింపు వచ్చింది.

వరుస అవకాశాలు...

సంతోషం సినిమా తర్వాత శ్రీయకు వరుస అవకాశాలు వచ్చాయి. అగ్రహీరోలతో చేసే అవకాశం దక్కించుకుంది. బాలయ్యతో చెన్నకేశవ రెడ్డి, చిరంజీవితో ఠాగూర్ లాంటి చిత్రాల్లో నటించింది.

దక్షిణాది భాషల్లో బిజీ...

తెలుగులో పలు చిత్రాలు చేయడంతో దక్షిణాది బాషలైన తమిళం, మళయాలం, కన్నడ బాషల్లోనూ ఆమెకు అవకాశాలు వచ్చాయి. తమిళ సూపర్ స్టార్ రజనీకాంత్‌తో శివాజీ చిత్రంలోనూ నటించింది శ్రీయ.

అప్ అండ్ డౌన్స్

అయితే శ్రీయ కెరీర్ వరుస హిట్లతో సాఫీగా ఏమీ సాగలేదు. ఓ సినిమా హిట్టయితే మరో సినిమా ఫట్. ఇలా ఒడిదుడుకులతోనే శ్రీయ కెరీర్ సాగింది. అయితే నెం.1 హీరోయిన్‌గా మాత్రం ఆమె గుర్తింపు తెచ్చుకోలేక పోయింది.

ప్రస్తుతం చేస్తున్న సినిమాలు

ప్రస్తుతం శ్రీయ అక్కినేని మూడుతరాల హీరోలు కలిసి నటించిన ‘మనం' చిత్రంలో నాగార్జునకు జోడీగా నటిస్తోంది. దీంతో పాటు ఓ తమిళ చిత్రం, మరో హిందీ చిత్రంలో నటిస్తోంది.