ఇండియన్ సినీ చరిత్రలో బ్యాన్ చేయబడ్డ సినిమాలు... (ఫోటో ఫీచర్)

అన్‌ఫ్రీడమ్

2015లో తెరకెక్కిన ఈ చిత్రాన్ని లెస్బియన్ లవర్స్ విత్ ఇస్లామిక్ టెర్రరిజం యాంగిల్‌లో రూపొందించారు. ఈ చిత్రం విడుదలైతే తీవ్రపరిణామాలు చోటు చేసుకునే అవకాశం ఉండటంతో నిషేదించారు.

డాజెడ్ ఇన్ దూన్

2010 సంవత్సరంలో రత్నా పథక్ షా తెరకెక్కించిన ఈ చిత్రం దూన్ స్కూల్ లో చదువుతున్న ఓ బాలుడి స్టోరీ నేపథ్యంలో తెరకెక్కించారు. ఉత్తరఖండ్ రాష్ట్రం డెహ్రడూన్ లోని ఈ ప్రఖ్యాత పాఠశాల ఈ సినిమాపై అభ్యంతం వ్యక్తం చేసింది. సినిమా ప్రతిష్టను మసకబార్చే విధంగా సినిమా ఉందని ఆరోపించడంతో సినిమాను బ్యాన్ చేసారు.

ఇన్‌ష‌అల్లా ఫుట్ బాల్

2010లో తెరకెక్కిన ఈ డాక్యుమెంటరీ చిత్రాన్ని సెన్సార్ బోర్డు నిషేదించింది. ఇదొక కాశ్మీరీ బాలుడి కథ. అతని తండ్రి తీవ్రవాది అనే ఆరోపణలు ఎదుర్కొంటున్న నేపథ్యంలో ఆ బాలుడికి దేశంలో పర్యటించేందుకు అనుమతి నిరాకరించబడుతుంది. ఇది సెన్సిటివ్ మ్యాటర్ కావడంతో ఈ చిత్రాన్ని సెన్సార్ బోర్డు నిషేదించింది.

గాండు

2010లో వచ్చిన ఈ బెంగాలీ చిత్రంలో ఓరల్ సెక్స్ సీన్లు, నగ్న సన్నివేశాలు ఉండటంతో బ్యాన్ చేసారు.

ఫిరాఖ్

గుజరాత్ అల్లర్ల మీద వచ్చిన ఈ చిత్రంపై సెన్సార్ బోర్డు నిషేదం విధించింది.

వాటర్

దీపా మెహతా దర్శకత్వం వహించిన ఈ చిత్రానికి అనురాగ్ కశ్యప్ కథ అందించారు. వివాదాస్పద అంశాలు ఉండటంతో ఈ సినిమాను బ్యాన్ చేసారు.

పర్జానియా

గుజరాత్ అల్లర్ల సందర్భంగా తప్పిపోయిన అజార్ అనే బాలుడి కథాంశం నేపథ్యంలో ఈ సినిమా తెరకెక్కించారు. ఈ సినిమాపై పలు రాజకీయ పార్టీలు గొడవ చేయడంతో ఈ చిత్రాన్ని బ్యాన్ చేసారు.

సిన్స్

మహిళతో సెక్సువల్ గా ఇన్వాల్వ్ అయిన కేరళకు చెందిన ప్రీస్ట్ స్టోరీ. ఈ సినిమాపై క్యాథలిక్స్ అభ్యంతరం వ్యక్తం చేయడం, శృంగార సన్నివేశాలు అభ్యంతరకరంగా ఉండటంతో ఈ సినిమాను నిషేదించారు.

బ్లాక్ ఫ్రైడే

ముంబై బాంబు పేళుళ్లపై తెరకెక్కిన ఈ చిత్రానికి అనురాగ్ కశ్యప్ దర్శకత్వం వహించారు. ఈ సినిమాపై కోర్టు కేసు ఉండటంతో విడుదల కాలేదు.

పాంచ్

2003లో వచ్చిన ఈ సినిమాకు అనురాగ్ కశ్యప్ దర్శకత్వం వహించారు. 1997లో జోషి అభ్యాంకర్ సీరియల్ మర్డర్స్ ఆధారంగా ఈ చిత్రాన్ని తెరకెక్కించారు. హింసాత్మకంగా ఉండటం, డగ్స్ సంబంధించిన అంశాలు ఉండటంతో ఈ సినిమాను బ్యాన్ చేసారు.

ది పింక్ మిర్రర్

ఇద్దరు ట్రాన్స్ జెండర్స్ సెక్సువల్ అంశాలతో తెరకెక్కిన ఈ సినిమాపై సెన్సార్ బోర్డు నిషేదం విధించింది.

ఉరఫ్ ప్రొఫెసర్

పంకజ్ అద్వానీ దర్శకత్వం వహించిన ఈ చిత్రంలో వల్గర్ సీన్లు, అసభ్యకరమైన బాష వాడటంతో సెన్సార్ బోర్డు ఈ చిత్రాన్ని నిషేదించింది.

కామసూత్ర

1996లో మీరా నాయర్ దర్శకత్వంలో వచ్చిన కామసూత్ర చిత్రాన్ని...సెక్స్ కంటెంట్ ఎక్కువగా ఉన్న కారణంతో నిషేదించారు.

ఫైర్

షబానా అజ్మీ, నందితా దాస్ నటించిన ‘ఫైర్' చిత్రాన్ని సెన్సార్ బోర్డు నిషేదించింది. లెస్బియన్ రిలేషన్ షిప్ నేపథ్యంలో ఈ సినిమాను తెరకెక్కించారు. ఈ చిత్రంపై శివసేన ఆందోళనలు చేయడం, డైరెక్టర్ దీప మెహతాకు డెత్ వార్నింగ్ రావడంతో ఈ సినిమాను బ్యాన్ చేసారు.

బందిత్ క్వీన్

బందిపోటు క్వీన్ పూలందేవి జీవితంపై శేఖర్ కపూర్ తెరకెక్కించిన ఈ చిత్రంలో సెక్సువల్ సీన్లు, అసభ్యకరమైన లాంగ్వేజ్ కారణంగా బ్యాన్ చేసారు.