Masooda ఓవర్ కాన్ఫిడెన్స్ అనుకొన్నా.. శభాష్! హ్యాట్రిక్ హిట్టు కొట్టావు.. నిర్మాత రాహుల్‌కు దిల్ రాజ్ ప్రశంస

మసూద నిడివి తగ్గించమని దిల్ రాజు

మసూద నిడివి తగ్గించమని దిల్ రాజు అడిగారు. అయితే సినిమా విషయంలో నిజాయితీగా ఉండాలని అనుకొన్నాను. కమర్షియల్ ఎలిమెంట్స్‌తో సినిమా చేయాలంటే.. చాలా స్క్రిప్టులు ఉన్నాయి. మసూద స్క్రిప్టు విన్న తర్వాత కథకు సంబంధించిన ఆత్మ మిస్ కాకుండని అనుకొన్నాను. స్క్రిప్టులో ఉండే బలమైన అంశాలను చూసే నేను ధైర్యంగా ఉన్నాను. సినిమా లెంగ్త్ గురించి ఆలోచించలేదు. సినిమా కమర్షియల్‌గా ఆలోచించకుండా డిఫరెంట్‌గా ఉండాలనే విషయంతోనే నిజాయితీగా, ధైర్యంగా ముందుకెళ్లాను అని నిర్మాత రాహుల్ నక్క అన్నారు.

అమ్మినా.. అమ్మకపోయినా నష్టం లేదు అంటూ

మసూద సినిమాకు ముందు నాన్ థియేట్రికల్ రైట్స్ అమ్ముకోమని దిల్ రాజు చెప్పారు. కానీ నేను ఓటీటీ, శాటిలైట్ హక్కులను అమ్మకుండా నా వద్దే పెట్టుకొన్నాను. సినిమా రిలీజ్‌కు ముందు ఓటీటీ, శాటిలైట్ హక్కుల విషయంలో కొన్ని ఆఫర్స్ వచ్చాయి. ఆ ఆఫర్లు విన్న తర్వాత ఆ రేటుకు అమ్మినా.. అమ్మకపోయినా నష్టం లేదనే అభిప్రాయం కలిగింది అని రాహుల్ యాదవ్ నక్క అన్నారు.

దిల్ రాజు అలా సపోర్ట్

మళ్లీ రావా; ఏజెంట్ సాయి శ్రీనివాస సినిమాల తర్వాత ఓసారి నిర్మాతల మండలి సమావేశంలో దిల్ రాజు కలిసి ఓ ఆఫర్ ఇచ్చారు. రాహుల్.. నీకు ఇష్టమైన సినిమా తీసుకో.. నా బ్యానర్‌ బ్రాండ్ ఉపయోగించుకొని సినిమా రిలీజ్ చేసుకోమని చెప్పారు. దిల్ రాజులో నాకు బాగా నచ్చింది అదే. ఒక పెద్ద నిర్మాతకు నాలాంటి నిర్మాతకు సపోర్టు చేయాల్సిన అవసరం లేదు. కానీ నాకు భేషరతుగా సపోర్ట్ ఇచ్చారు. అందుకు దిల్ రాజుకు నేను థ్యాంక్స్ చెబుతున్నాను అని రాహుల్ అన్నారు.

దిల్ రాజుకు సినిమా చూపిస్తే..

మసూద సినిమా రిలీజ్‌కు ముందు దిల్ రాజుకు సినిమా పోస్టర్ చూపించాను. ఆ తర్వాత చాలా మందికి సినిమా చూపిస్తే.. లెంగ్త్ ఎక్కువైందని చెప్పారు. దిల్ రాజు నిడివి తగ్గించమని చాలా సార్లు చెప్పారు. కానీ 2.40 గంటల నిడివితోనే సినిమాను రిలీజ్ చేయాలని అనుకొన్నాను. కానీ స్క్రిప్టులో ఉన్న హారర్ సన్నివేశాలే నా కాన్ఫిడెన్స్. నేను చాలా మందికి సినిమా చూపించినప్పుడు డీఐ, సౌండ్ డిజైన్, ఇతర అంశాలు పూర్తి కాలేదు. అవన్నీ ఆయిన తర్వాత థియేటర్ ఎక్స్‌పీరియెన్స్ బాగుంటుందని అనుకొన్నా. నా నమ్మకమే నిజమైంది అని రాహుల్ యాదవ్ నక్క అన్నారు.

రాహుల్ యాదవ్ కాన్ఫిడెన్స్ సూపర్

దిల్ రాజు మాట్లాడుతూ.. ఎంత చెప్పినా నిడివి తగ్గించకపోవడంతో.. రాహుల్ యాదవ్ నక్కా కాన్ఫిడెన్స్‌గా ఉన్నాడని అనుకొన్నాను. సినిమా మార్నింగ్ షో పూర్తయిన తర్వాత రివ్యూలు 3 రేటింగ్ వేశారు. అయితే కలెక్షన్లు మాత్రం 25 శాతం అక్యుపెన్సీ కనిపించింది. ఫస్ట్, సెకండ్ షోలకు పికప్ అవుతుందని అనుకొన్నాను. నేను అనుకొన్నట్గుగానే.. వైజాగ్, ఇతర ప్రాంతాల్లో హౌస్‌ఫుల్ బోర్డులు పడ్డాయి. ఈ సినిమాను ఆదరించిన మీడియా వాళ్లకు థ్యాంక్స్. మంచి సినిమాను బతికించాలి. సినిమా బాగా లేకపోతే ఎవరూ ఏం చేయలేరు.. కాబట్టి మసూదకు సపోర్ట్ చేద్దాం. థియేటర్‌లో ఎక్స్‌పీరియెన్స్ బాగుంటుంది అని అన్నారు.