Don't Miss!
- News డీజీ ఆంజనేయులు, సీపీ కాంతిరాణా టాటాపై ఈసీ బదిలీ వేటు: కీలక ఆదేశాలు
- Sports CSK vs LSG: శతక్కొట్టిన రుతురాజ్ గైక్వాడ్.. చితక్కొట్టిన శివమ్ దూబే!
- Lifestyle గాడిదపాలు అమ్మి కోట్ల వ్యాపారం.. లీటరు ధర రూ.7,000లు పైమాటే..!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
అభిమాని హత్య, కుటుంబాన్ని పరామర్శించటానికి బయిలుదేరిన పవన్
హైదరాబాద్: పవన్ కల్యాణ్ గురువారం ఉదయం తిరుపతి వెళ్తున్నారు. ఈ నెల 21న కర్ణాటకలోని కోలారులో హత్యకు గురైన అభిమాని వినోద్ రాయల్ కుటుంబాన్ని పరామర్శించనున్నారు. హైదరాబాద్ నుంచి బయిలుదేరి ఉదయం 10 గంటలకు రేణిగుంట ఎయిర్పోర్టులో దిగుతారు పవన్ కల్యాణ్.
ఆ తర్వాత10.45 గంటలకు తిరుపతి ఎస్టీవీ నగర్లోని వినోద్ రాయల్ ఇంటికి చేరుకుంటారని పార్టీ జిల్లా ఇన్చార్జి, పవన్ కల్యాణ్ అభిమాన సంఘాల నాయకుడు కిరణ్ రాయల్ మీడియాకు తెలిపారు.
ఈ నెల 21న స్నేహితులతో కోలారు వెళ్లిన తిరుపతి యువకుడు, పవన్ కల్యాణ్ అభిమాన సంఘం నాయకుడు వినోద్ రాయల్ అక్కడే హత్యకు గురయ్యాడు. సినీ అభిమానుల మధ్య భగ్గుమన్న విభేదాలు కారణంగా వినోద్ ఆదివారం హత్యకు గురయ్యాడు. రెండురోజుల కిందట జరిగిన ఈ ఘటన ఆలస్యంగా వెలుగుచూసింది.
మరుసటి రోజు తిరుపతిలో అంత్యక్రియలు జరిగాయి. మొదటి నుంచీ పవన్ కల్యాణ్ అభిమాన సంఘం నాయకుడిగానూ, జనసేన పార్టీ కీలక నేతగానూ తిరుపతిలో సుపరిచితుడైన వినోద్రాయల్ ఇటీవల మునికోటి కుటుంబానికి పవన్ కల్యాణ్ రూ.2 లక్షలు అందజేసినప్పుడు కూడా ఉన్నాడు. వినోద్ రాయల్ హత్యోదంతం గురించి తెల్సుకున్న పవన్ కల్యాణ్ ఎంతో బాధపడ్డారనీ, తిరుపతికి బయల్దేరారని కిరణ్రాయల్ వివరించారు.
కోలారు సమీపంలోని నరసాపురం పారిశ్రామిక వాడలో ఆదివారం రాత్రి ఈ ఘటన జరిగింది. ఆదివారం కోలారు నగరంలో నిర్వహించిన అవయవదానం కార్యక్రమానికి సినీ నటుడు సుమన్ వచ్చారు. ఈ సందర్భంగా తిరుపతి నుంచి వినోద్ కుమార్ తన మిత్రుడు త్రినాథ్తో కలసి కారులో కోలారు వచ్చాడు.
ఈ సందర్భంగా అవయవ దానం కార్యక్రమాన్ని ఆంధ్రప్రదేశ్లోనూ విస్తరిస్తామని వినోద్కుమార్ చెప్తూ.. తన అభిమాన నటుడికి జై కొట్టాడు. దీనికి మరో హీరో అభిమాని అయిన సునీల్ అభ్యంతరం వ్యక్తం చేశాడు. దీంతో వారి మధ్య గొడవ మొదలైంది.
అనంతరం మిత్రులంతా నరసాపురం వద్ద ఉన్న హోటల్ గేట్స్ గ్రాండ్కు వెళ్లారు. అక్కడ మళ్లీ గొడవ జరగడంతో సునీల్ వెంట వచ్చిన అక్షయ్కుమార్ తన వద్ద ఉన్న కత్తితో వినోద్కుమార్ను పొడిచాడు. మిత్రులు వినోద్ను కారులో తరలిస్తుండగా మార్గంమధ్యలో మృతి చెందాడు. పోలీసులు నిందితుడు అక్షయ్కుమార్ను అదుపులోకి తీసుకున్నారు.