హోమ్

న్యూస్

దూకుడు సూపర్ హిట్ అవ్వడం మహేష్ ఫ్యాన్స్ కు మాత్రమే కాదు, హీరోయిన్ పార్వతి మెల్టన్ కు కెరీర్ కూడా ఓ ఊపు తీసుకొచ్చింది. దూకుడులో కనిపించింది ఐదు నిమషాలే అయినా కుర్రకారును ఊపేసింది. సినిమా హీరోయిన్ సమంతాకు ధీటుగా తన ముద్ర పడేలా చేసుకుంది పార్వతి మెల్టన్. దర్శకుడు శ్రీను వైట్ల కూడా పార్వతి మెల్టన్ అందాన్ని కరెక్ట్ గా తెరకెక్కించడంతో అటు సాంగ్, ఇటు పార్వతి మెల్టన్ కూడా సూపర్ హిట్ అయ్యాయి.

మహేష్ ఖలేజాలో మొదట హీరోయిన్ గా పార్వతి మెల్టన్ ను అనుకున్నారు. అయితే ఆ ప్లేస్ లోకి అనుష్క రావడంతో పార్వతి మెల్టన్ కు దూకుడులో ఐటం సాంగ్ కు అవకాశం ఇచ్చారు. ఐటం సాంగ్ ఛాన్స్ ను చక్కగా ఉపయోగించుకున్న పార్వతి మెల్టన్ కు ఇప్పుడు మంచి అవకాశాలు వస్తున్నాయట. ఆమె కూడా ఐటం సాంగ్ క్రేజ్ బట్టి చేయడానికి ఓకే అంటుందని తెలుస్తుంది.

తాజాగా పవన్ కళ్యాణ్ గబ్బర్ సింగ్ లో ఐటం సాంగ్ (హిందీ దబాంగ్ లోని మున్ని బద్నాం సాంగ్) కూడా పార్వతి మెల్టన్ ఖాతాలోనే పడబోతుందని సమాచారం. ప్రస్తుతం పార్వతి మెల్టన్ సాయిరామ్ శంకర్ నటిస్తున్న యమహో యమ అనే ఫాంటసీ సినిమాలో హీరోయిన్ గా నటిస్తుంది.