తెల్లవారు ఝామున ‘గోవిందుడు అందరి వాడేలే’(న్యూ ఫోటోస్)

రామ్ చరణ్-కాలజ్ రొమాన్స్

ఈ సినిమాలో రామ్ చరణ్-కాజల్ మధ్య జరిగే రొమాంటిక్ ట్రాక్ ప్రేక్షకులను ఆకట్టుకునే విధంగా ఉండనుంది.

తన పాత్ర గురించి శ్రీకాంత్

తన పాత్ర గురించి శ్రీకాంత్ వెల్లడిస్తూ....ఫారిన్‌లో ఉండి రావడం వల్ల సినిమాలో నేనెవరో అతని(రామ్ చరణ్ ) తెలుసు కానీ, అతనెవరో నాకు తెలీదు. నేనతన్ని కొట్టినా, అతను నన్ను కొట్టడు. సెకండాఫ్‌లో అతనెవరనేది నాకు తెలుస్తుంది. నా పాత్ర పేరు బంగారి. పూర్తిస్థాయి ఎంటర్‌టైన్‌మెంట్‌ ఉండే పాత్ర. ఎనర్జీ లెవల్స్‌ హైలో ఉంటాయి. తండ్రిని ఇరిటేట్‌ చేసే పనులు చేస్తుంటాడు. ఇంట్లో ఉండకుండా వేరే చోట ఉండే పాత్ర అన్నారు.

దర్శకుడు...

దర్శకుడు మాట్లాడుతూ... ''కుటుంబ అనుబంధాల నేపథ్యంలో సాగే చిత్రమిది. ప్రతీ సన్నివేశంలోనూ తెలుగుదనం ఉట్టిపడుతుంది. రామ్‌చరణ్‌ విదేశాల్లో పుట్టి పెరిగిన యువకుడి పాత్రలో కనిపిస్తాడు. తనవారికోసం సొంతూరికి వచ్చిన ఓ ఎన్నారై యువకుడు ఎలాంటి సందడిని సృష్టించాడన్నది ఇందులో ఆసక్తికరం. చరణ్‌ తెరపై కనిపించే విధానం కొత్తగా ఉంటుంది. '' అన్నారు.

ఇతర వివరాలు...

శ్రీకాంత్‌, ప్రకాష్‌రాజ్‌, జయసుధ, కమలినీ ముఖర్జీ తదితరులు కీలక పాత్రలు పోషిస్తున్నారు. ఇంకా ఈ చిత్రంలో తెలుగు చిత్ర పరిశ్రమకు చెందిన ప్రముఖులు నటినటులు నటిస్తున్నారు. ఈ చిత్రానికి కెమెరా: సమీర్‌రెడ్డి, నిర్మాత: బండ్ల గణేష్, సమర్పణ: శివబాబు గండ్ల, దర్శకత్వం: కృష్ణవంశీ. కూర్పు: నవీన్‌ నూలి.