»   » టామ్ బోయ్ పాత్ర చేసా: హన్సిక

టామ్ బోయ్ పాత్ర చేసా: హన్సిక

Posted By:
Subscribe to Filmibeat Telugu
For Quick Alerts
ALLOW NOTIFICATIONS
For Daily Alerts

    హైదరాబాద్: ఒళ్లు తగ్గి మరీ ఆఫర్స్ పడుతున్న హన్సిక తాజాగా 'పాండవులు పాండవులు తుమ్మెద' చిత్రంలో హీరోయిన్ గా చేసింది. లక్ష్మీప్రసన్న పిక్చర్స్ పతాకంపై విష్ణు మనోజ్ రూపొందించిన ఈ చిత్రం ఈ నెల 31న విడుదలకు సిద్ధమైంది. ఈ చిత్రంలో ఆమె టామ్ బోయ్ పాత్రను పోషించినట్లు తెలియచేసింది. ఆ పాత్ర తనకు మంచి గుర్తింపు తెచ్చిపెడుతుందని,తనలోని నటిని మరోసారి ఆవిష్కరిస్తుందని గర్వంగా చెప్తోంది. అలాగే మోహన్ బాబు లాంటి గొప్ప నటుడుతో చేయటం తన అదృష్టమని అంది. మంచు మనోజ్ తో మరోసారి చేయటం హ్యాపీగా ఉందని అంటోంది.

    'గోల్‌మాల్-3' చిత్రానికి రీమేగా శ్రీవాస్ దర్శకత్వంలో మోహన్‌బాబు, మంచు విష్ణు, మనోజ్, రవీనాటాండన్, హన్సిక ప్రధాన తారాగణంగా రూపొందుతున్న ఈ చిత్రం గూర్చి నిర్మాత విష్ణు మాట్లాడుతూ- ఇటీవల విడుదలైన పాటలకు మంచి స్పందన లభిస్తోందని, తమ్ముడు, నేను, నాన్న కలిసి తొలిసారిగా నటించిన ఈ చిత్రం వైవిధ్యంగా ఉంటుందని, మనోజ్ పోషించిన లేడీగెటప్ కూడా ప్రత్యేక ఆకర్షణగా నిలుస్తుందని, ఈనెల 31న అన్ని కార్యక్రమాలు పూర్తిచేసి విడుదల చేస్తున్నామని, ప్రేక్షకులు తప్పక విజయాన్ని అందిస్తారని కోరుకున్నారు.

    శ్రీ లక్ష్మి ప్రసన్న పిక్చర్స్-24 ఫ్రేమ్స్ ఫ్యాక్టరీ పతాకాలపై అరియానా-వివియానా సమర్పణలో మంచు విష్ణువర్ధన్-మనోజ్ సంయుక్తంగా ఈ చిత్రాన్ని నిర్మిస్తున్నారు.
    మోహన్ బాబు, విష్ణు, మనోజ్, వరుణ్ సందేశ్, తనీష్, వెన్నెల కిషోర్ కథానాయకులుగా తెరకెక్కుతున్న ఈ భారీ మల్టీ స్టారర్లో రవీనా టండన్, హన్సిక, ప్రణీత హీరోయిన్లు. 'లక్ష్యం' ఫేం శ్రీవాస్ దర్శకత్వంలో తెరకెక్కుతున్న ఈచిత్రానికి కీరవాణి-మణిశర్మ-బప్పిలహరి-బాబా సెహగల్ సంగీత సారథ్యం వహిస్తున్నారు.

    మోహన్‌బాబు మాట్లాడుతూ- పది సంవత్సరాల తర్వాత పూర్తి స్థాయి హీరోగా తానీ చిత్రంలో సరికొత్త సెటైరికల్ డైలాగులను వినిపించనున్నానని, అత్యధిక బడ్జెట్‌తో రూపొందిన ఈ చిత్రం మనోజ్ కంపోజ్ చేసిన ఫైట్స్, డాన్సులు హైలెట్‌గా ఉంటాయని తెలిపారు.

    ఈ చిత్రానికి సంగీతం : కీరవాణి-మణిశర్మ-బప్పిలహరి-బాబా సెహగల్, కెమెరా : ఫలణికుమార్, పాటలు: చంద్రబోస్-భాస్కరభట్ల-అనంత శ్రీరామ్, మాటలు: డైమండ్ రత్న, కథ-స్క్రీన్ ప్లే: కోన వెంకట్-బివిఎస్ రవి-గోపీ మోహన్, పోరాటాలు: విజయ్, ఎడిటింగ్: ఎంఆర్ వర్మ, కళ: రఘు కులకర్ణి, పి.ఆర్.ఓ: వంశీ-శేఖర్, ఎగ్జిక్యూటివ్ ప్రొడ్యూసర్ : విజయ్ కుమార్.ఆర్, సమర్పణ: అవియానా-వివియానా, నిర్మాతలు : మంచు విష్ణువర్ధన్, మంచు మనోజ్, దర్శకత్వం: శ్రీవాస్.

    English summary
    On her role in Pandavulu Pandavulu Tummeda Hansika said " I play a tomboy who is Vishnu’s love interest. It wasn’t difficult to play a tomboy on screen, because I’m like that in real life.
     

    తక్షణ సినీ వార్తలు, మూవీ రివ్యూలను రోజంతా పొందండి - Filmibeat Telugu

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more