Don't Miss!
- Sports IPL 2024: రెండుగా చీలిన ముంబై ఇండియన్స్.. హార్దిక్ మాట వినని రోహిత్ గ్రూప్!
- News న్యూయార్క్ టైమ్స్ స్క్వేర్లో భూపాలపల్లి ఫొటోగ్రాఫర్ చిత్రం ప్రదర్శన
- Automobiles నితిన్ గడ్కరీ కీలక ప్రకటన.. వాహనదారులు తప్పక తెలుసుకోవాల్సిందే!
- Technology X ప్లాట్ఫాం ప్రీమియం ఫీచర్లను ఉచితంగా వినియోగించుకోవచ్చు.. వారికి మాత్రమేనని ఎలాన్ మస్క్ ప్రకటన!!
- Lifestyle First Surya Grahan: ఏప్రిల్ నెలలో మొదటి సూర్య గ్రహణం ఎప్పుడు? సూతక కాలం
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
లయన్......బాలయ్య బాబు రాకింగ్ పెర్ఫార్మెన్స్ (ఫోటో)
హైదరాబాద్: నందమూరి బాలకృష్ణ త్వరలో ‘లయన్' చిత్రం ద్వారా ప్రేక్షకుల ముందుకు రాబోతున్న సంగతి తెలిసిందే. ఈ చిత్రానికి సంబంధించిన ఆడియో ఏప్రిల్ 9న శిల్పకళా వేదికలో గ్రాండ్ గా జరుగబోతోంది. ఈ సందర్భంగా బాలయ్య తన సోషల్ నెట్వర్కింగ్ పేజీ ద్వారా ఈ చిత్రానికి సంబంధించిన ఎక్స్క్లూజివ్ ఫోటో విడుదల చేసారు. ఈ ఫోటో చూస్తుంటే సినిమాలో బాలయ్య పెర్ఫార్మెన్స్ రాకింగ్ టగా ఉండబోతోందని తెలుస్తోంది.
‘మణి శర్మ, నా కాంబినేషన్లో గతంలో మంచి మెలొడీ మ్యూజిక్ వచ్చింది. మరోసారి ప్రేక్షకులకు గ్రేట్ మ్యూజిక్ అందించబోతున్నాం. మణిశర్మ నుండి వచ్చే లయన్ సాంగ్స్ అభిమానులకు నచ్చుతాయని భావిస్తున్నాను' అంటూ ఆయన తన సోషల్ నెట్వర్కింగ్ పేజీలో పేర్కొన్నారు.
నందమూరి నటసింహం బాలకృష్ణ నటిస్తున్న తాజా చిత్రం ‘లయన్'. రుద్రపాటి ప్రేమలత నిర్మాణ సారథ్యంలో జివ్వాజి రామాంజనేయులు సమర్పణలో ఎస్.ఎల్.వి సినిమా పతాకంపై రుద్రపాటి రమణారావు నిర్మిస్తున్న ఈ చిత్రం ద్వారా సత్య దేవ దర్శకుడిగా పరిచయమవుతున్నాడు.
తొలిసారిగా బాలయ్యతో త్రిష జతకడుతుండగా...‘లెజెండ్' అనంతరం రాధిక ఆప్టే మరోమారు బాలకృష్ణ సరసన నటిస్తోంది. మణిశర్మ సంగీతం సమకూర్చుతున్న ‘లయన్' ఆడియోను ఏప్రిల్ 9న పలువురు సినీ మరియు రాజకీయ ప్రముఖుల సమక్షంలో అత్యంత భారీ స్థాయిలో విడుదల చేసేందుకు చిత్ర నిర్మాత రుద్రపాటి రమణారావు సన్నాహాలు చేసుకుంటున్నారు.
హైదరాబాద్ లోని శిల్పకళా వేదికలో జరుగనున్న ఈ ఆడియో వేడుకకు ఆంధ్రప్రదేశ్ ముఖ్య మంత్రి చంద్రబాబు నాయుడు ముఖ్య అతిథిగా హాజరు కాబోతున్నారు. ఈ సందర్భంగా నిర్మాత రమణారావు మాట్లాడుతూ...‘మా నందమూరి నటసింహం బాలకృష్ణ గారు త్వరలో ‘లయన్'గా ప్రేక్షకుల ముందుకు రానున్నారు. ఈ చిత్రంలో బాలయ్య గారి పాత్రను దర్శకుడు సత్యదేవ మలిచిన తీరు, ఆయన చేత పలికించిన సంబాషణలు ప్రేక్షకులను సంభ్రమాశ్చర్యాలకు గురి చేస్తాయి. బాలకృష్ణ-మణిశర్మ కాంబినేషన్ లో వస్తున్న మరో మ్యూజికల్ సెన్నేషన్ హిట్ ఈ సినిమా' అన్నారు.
‘లెజెండ్' వంటి లెజెండరీ హిట్ తర్వాత వస్తున్న చిత్రం కావడంతో నందమూరి అభిమానుల్లో ‘లయన్' చిత్రంపై భారీ అంచనాలుండటం సహజమే. వారి అంచనాలను మించే స్థాయిలో ‘లయన్' చిత్రం ఉండబోతోంది అన్నారు. బాలకృష్ణ కెరీర్లోనే బిగ్గెస్ట్ హిట్స్గా పేర్కొనే..సమరసింహా రెడ్డి, నరసింహ నాయుడు చిత్రాల ఆడియోలకు నారా చంద్రబాబు నాయుడు సీఎం హోదాలో విచ్చేసి ఆడియో రిలీజ్ చేసారు. సెంటిమెంట్ పరంగా చూసుకుంటే ‘లయన్' చిత్రం బాలయ్య కెరీర్లో మరో బిగ్గెస్ట్ హిట్ చిత్రంగా నిలుస్తుందనడంలో ఎలాంటి సందేహం లేదు అన్నారు నిర్మాత.