Puneeth Rajkumar బాధ్యతలు నేను తీసుకుంటున్నా.. 1800 మంది పిల్లల్ని నేను చదివిస్తా: విశాల్

మంచి మనసున్న వ్యక్తి

హీరో విశాల్ ఇటీవల హైదరాబాదులో ఎనిమీ సినిమాకు సంబంధించిన రిలీజ్ ఈవెంట్ లో పునీత్ రాజ్ కుమార్ గురించి ఆసక్తికరమైన విషయాలను తెలియజేశారు. విశాల్ మాట్లాడుతూ.. పునీత్ రాజ్ కుమార్ లాంటి వ్యక్తిని నా జీవితంలో నేను చూడలేదు. చాలా మంచి మనసున్న వ్యక్తి. మేకప్ వేసుకున్నా వేసుకోకపోయినా కూడా ఎప్పుడు ఒకేలా కనిపించే మంచి మనస్తత్వం ఉన్న మనిషి. ఆయన ఆత్మకు శాంతి చేకూరాలని నేను ఆ భగవంతుని ప్రార్థిస్తున్నాను.. అని విశాల్ అన్నాడు

1800 పిల్లలకు ఉచితంగా విద్య

ఇక పునీత్ రాజ్ కుమార్ సేవా కార్యక్రమాల గురించి ప్రత్యేకంగా చెప్పనవసరం లేదు. అతని గురించి అందరూ చెబుతూనే ఉన్నారు. ఇక ప్రభుత్వం చేయాల్సిన పనులన్నీ కూడా తన వంతు బాధ్యతగా సహాయ సహకారాలు అందిస్తూ ఉన్నాడు. 1800 మంది పిల్లల భవిష్యత్తును బాధ్యతగా తీసుకొని వారికి ఉచితంగా చదువు చెప్పిస్తున్నాడు. నిజంగా ఒక ప్రభుత్వం చేయాల్సిన ఈ పనులన్నీ కూడా పునీత్ రాజ్ కుమార్ ఎంతో ధైర్యంగా చేయడం నిజంగా చాలా గొప్ప విషయం అనే చెప్పాలి.. అని విశాల్ చెప్పాడు.

ప్రతి ఒక్కరి గుండెల్లో పునీత్..

ఉచితంగా విద్యను అందించడమే కాకుండా ఎంతో మంది పేదలకు సాయం చేశాడు. అంతేకాకుండా చనిపోయిన తరువాత కూడా తన కళ్లను కూడా దానం చేశాడు. ఇవన్నీ తెలిసిన తర్వాత పునీత్ రాజ్ కుమార్ చనిపోయాడు అనగానే ఎవరు కూడా జీర్ణించుకోలేకపోతున్నారు. నేను చేసిన కొన్ని రీమేక్ సినిమాలు కూడా ఆయన చేశారు. పైన ఏ లోకంలో ఉన్నా కూడా మా ప్రతి ఒక్కరి గుండెల్లో పునీత్ నిలిచి పోతూ ఉంటారు.

Recommended Video

Rana Daggubati Launches First Single Acha Telugandame From Hero

వారి భవిష్యత్తును నేను చూసుకుంటాను

అయితే పునీత్ రాజ్ కుమార్ 1,800 మంది పిల్లలను చదివించారు అనగానే నాకు ఎంతగానో ఆనందంగా అనిపించింది. అయితే ఇప్పుడు వారి భవిష్యత్తుకు సహాయంగా నేను చేయాల్సింది చేస్తాను. తప్పకుండా వచ్చే ఏడాది నుంచి వారి భవిష్యత్తును బాధ్యతగా తీసుకొని వారికి చదువులకు అవసరమయ్యే ఏర్పాట్లను నేను చూస్తాను అని హామీ ఇస్తున్నాను. ఇలాంటి సమయంలో ఈ విధంగా ఈవెంట్ పెట్టడం కరెక్ట్ కాకపోవచ్చు. అయినప్పటికీ అలాంటి మంచి వ్యక్తి మంచి పనిలో కొన్ని పనులను అయినా తాను షేర్ చేసుకోవాలని అనుకుంటున్నట్లు విశాల్ వివరణ ఇచ్చాడు