For Quick Alerts
ALLOW NOTIFICATIONS  
For Daily Alerts

హీరో శివాజీ అరెస్ట్.. తప్పించుకొని విదేశాలకు.. పారిపోతుండగా అదుపులోకి..

|
Hyderabad Police Arrests Tollywood Hero Sivaji In Alanda Media Case || Filmibeat Telugu

నటుడు శివాజీని హైదరాబాద్ పోలీసులు అదుపులోకి తీసుకున్నట్లు సమాచారం అందింది. అలంద మీడియా కేసుకు సంబంధించి గత కొంతకాలంగా పోలీసులకు కనిపించకుండా తిరుగుతున్న శివాజీని సైబరాబాద్ పోలీసులు కొద్దిసేపటి క్రితం శంషాబాద్ ఎయిర్ పోర్టులో అదుపులోకి తీసుకున్నారు. ఈ మేరకు సైబరాబాద్ క్రైమ్ పీఎస్‌కి శివాజీని తరలించినట్లు సమాచారం. పూర్తి వివరాలు తెలియాల్సి ఉంది.

రవిప్రకాష్‌, శివాజీనలపై కేసు

టీవీ 9 వివాదం విషయమై అలంద మీడియా సంస్థ కేసు ఫైల్ చేసింది. ఈ కేసులో ఓ ముద్దాయిగా గత కొంతకాలంగా విచారణ ఎదుర్కొంటున్నాడు శివాజీ. టీవీ 9 సిఈఓ రవిప్రకాష్ తో పాటు నటుడు శివాజీ పై కేసు పెట్టింది టీవీ 9 కొత్త యాజమాన్యం అలంద మీడియా సంస్థ. టీవీ 9 వాటాల విషయంలో వీరిద్దరూ ఫోర్జరీ సంతకాలు చేశారని అలంద మీడియా ఆరోపించింది.

పలుమార్లు సందేశాలు.. హైకోర్టు ఆశ్రయించిన శివాజీ

దీంతో తమ ముందు హాజరుకావాలని రవి ప్రకాష్‌తో పాటు శివాజీకి కూడా నోటీసులు జారీ చేసింది పోలీసు శాఖ. అయితే రవిప్రకాష్‌ విచారణకు హాజరైనప్పటికీ శివాజీ మాత్రం ఇప్పటిదాకా పోలీసుల విచారణలో పాల్గొనలేదు. ఈ మేరకు విచారణకు రావాలంటూ శివాజీకి పలుమార్లు సందేశాలు పంపినా ప్రయోజనం లేదు. పైగా సైబర్‌ క్రైమ్‌ పోలీసులు తనపై నమోదు చేసిన కేసును కొట్టివేయాలంటూ శివాజీ హైకోర్టును కోరడం జరిగింది.

శివాజీ ఆరోపణ.. కేసు వాయిదా

తనపై సైబర్ క్రైమ్ పోలీసులు తప్పుడు కేసు నమోదు చేశారని, ఆ కేసును వెంటనే కొట్టేయాలని క్వాష్ పిటిషన్‌ ద్వారా హైకోర్టును సంప్రదించారు శివాజీ. తనను పోలీసులు ముందస్తు అరెస్టు చేయకుండా స్టే ఇవ్వాలని పిటిషన్ కోరారు శివాజీ. మరోవైపు ఇప్పటి వరకు శివాజీకి మూడు సార్లు నోటీసులు జారీ చేసినా పోలీసు విచారణకు హాజరు కాలేదని ప్రభుత్వం హైకోర్టుకి తెలిపింది. ఇరుపక్షాల వాదనలు కూలంకషంగా పరిశీలించిన న్యాయస్థానం ఈ కేసు తదుపరి విచారణను జూన్ 26 వ తేదీకి వాయిదా వేస్తున్నట్లు ఆ సమయంలో కోర్టు ప్రకటించింది.

దేశం దాటి వెళ్లే ప్రయత్నం.. పోలీసుల అదుపులో శివాజీ

కాగా కొద్దిసేపటి క్రితమే శివాజీని అదుపులోకి తీసుకున్న పోలీసులు.. కేసుకు హాజరు కాకుండా ఆయన దేశం దాటి వెళ్లిపోయే ప్రయత్నం చేస్తుండగా పట్టుకున్నామని అన్నారు. కేసుకు సహకరించాల్సిందిగా ఆయనకు తెలిపామని చెప్పారు. కోర్టు నోటీసుల ఆధారంగానే శివాజీపై తదుపరి విచారణ జరుగుతుందని పోలీసులు పేర్కొన్నారు.

English summary
Actor Sivaji filed a quash petition in the High Court recently. And Requesting it to strike down the cases filed against him by the Telangana Cyber Crime police in relation to controversy in TV9. Just Now he was Arrested by Hyderabad police
 
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more