చెత్త గాడు..... రోడ్డు మీదే అతడిని కడిగేసిన అనుష్క!

చెత్తగాడు అని అందుకే...

సూటు బూటు వేసుకుని లగ్జరీ కార్లో వెళుతున్న ఓ వ్యక్తి ఖాళీ ప్లాస్టిక్ బాటిల్ రోడ్డు మీద పడేయడం అనుష్క కంటపడింది. దీంతో ఆగ్రహంతో ఊగిపోయిన అనుష్క ఇలాంటి పనులు చేస్తే ఊరుకునేది లేదంటూ ఊగిపోయింది. చెత్తను డస్ట్ బిన్ లో వేయాలని క్లాస్ పీకింది.

ఒక రోజులోనే లక్షలాది మంది

సోషల్ మీడియాలో భారీ ఫాలోయింగ్ ఉన్న విరాట్ కోహ్లి ఈ వీడియో షేర్ చేయడంతో ఒకరోజు కూడా గడవక ముందే అరకోటి మంది ఈ వీడియో వీక్షించారు. లగ్జరీ కార్లలో తిరుగుతూ ఇలాంటి పనులు చేస్తున్న వారిపై కోహ్లి ఆగ్రహం వ్యక్తం చేశారు. ఇలాంటి వారిలో అవేర్‍‌నెస్ తెచ్చేందుకు ప్రయత్నిస్తున్న తన భార్య అనుష్కను మరింత ఎంకరేజ్ చేశారు.

స్వచ్ఛ భారత్ అంటే ఇదేనా?

ప్రధాన మంత్రి నరేంద్ర మోడీ ప్రారంభించిన స్వచ్ఛ భారత్‌కు బ్రాండ్ అంబాసిడర్‌ పలువురు క్రికెట్ స్టార్లు, సినీ స్టార్లు వ్యవహరిస్తున్నారు. వారిలో కోహ్లి, అనుష్క కూడా ఉన్నారు. అందుకే చెత్త పనులు చేస్తున్న వారికి ఇలా క్లాస్ పీకుతున్నారు ఈ జంట.

విరుష్క హ్యాపీ లైఫ్

అనుష్క, విరాట్ కోహ్లి వివాహం గతేడాది డిసెంబర్లో గ్రాండ్‌గా జరిగింది. పెళ్లికి ముందే దాదాపు నాలుగేళ్ల పాటు ఈ జంట డేటింగ్ చేశారు. పెళ్లి తర్వాత ఎవరి ప్రొఫెషన్లో బిజీగా గడుపుతూనే హ్యాపీ లైఫ్ లీడ్ చేస్తున్నారు.