బెజవాడలో పైన అమ్మవారు.. కింద కమ్మవారు.. డీజే టార్గెట్ అగ్రిగోల్డ్ స్కామ్.. మాటలు తూటాలుగా..

భూకబ్జాదారులు.. క్రిమినల్స్

భూకబ్జాదారులను, క్రిమినల్స్‌ను ఏరి వేసే పోలీస్ అధికారి పాత్రలో మురళీ శర్మ మరోసారి తనదైన శైలిలో నటనను ప్రదర్శించాడు. సుబ్బరాజు పాత్ర బాగా ఉంటుంది. అన్ని రకాల ప్రేక్షకులను ఆకట్టుకునే ప్రయత్నం చేశారు.

అగ్రో డైమండ్ కుంభకోణం

ఈ చిత్రంలో జరిగే భూ కుంభకోణానికి అగ్రో డైమండ్ అనే పేరుపెట్టారు. డిఫాల్టర్ల ఆగడాలు, బాధితుల కష్టాలను ఉద్వేగభరితంగా చిత్రీకరించారు. ఏపీ రాజధానిని కేంద్రంగా చేసుకొని సాగిన ఈ భూదందా సహజంగానే ప్రేక్షకుడిని కదలిస్తుంది. ఇప్పటివరకు పత్రికల్లోనే వచ్చిన కథనాలకు ఇది తెరరూపంగా నిలిచింది.

డైలాగ్స్ తూటాలుగా..

హరీశ్ శంకర్ రాసిన డైలాగ్స్ తెరమీద తూటాల పేలాయి. ఓ సీన్లో ‘బెజవాడలో పైన అమ్మవారు.. కింద కమ్మవారు' అంటూ చెప్పే డైలాగ్స్‌కు ప్రేక్షకులకు మంచి స్పందన వచ్చింది. సభ్య సమాజానికి ఏం చెబుతామనుకొంటున్నావ్ లాంటి డైలాగ్స్ ఆకట్టుకొన్నాయి. ఇలాంటి డైలాగ్స్ ఏ సందర్భంలో వచ్చాయి.. ఎందుకు వచ్చాయి అనేది తెరమీద చూసి ఆనందించాల్సిందే. సీరియస్ సన్నివేశాల్లో అల్లు అర్జున్ చేత చెప్పించిన సంభాషణలు ఫ్యాన్స్ పండుగలా మారాయి. బ్రహ్మణ యాసపై స్టైలిష్ స్టార్ దృష్టిపెడితే మరింత బాగుండేదనే టాక్ వినిపిస్తున్నది.

ఫైట్స్.. మ్యూజిక్ గుడ్..

సినిమా ప్రారంభంలో వచ్చే ఫైట్, ఇంటర్వెల్ ఫైట్ బాగుంది. అల్లు అర్జున్ ఫోర్స్ తెరమీద బాగా పండింది. కీలక సన్నివేశాల్లో దేవీ శ్రీ అందించిన బ్యాక్ గ్రౌండ్ స్కోర్ బాగుంది. వెన్నెల కిషోర్ కామెడీ మరోసారి పండింది.

పుష్కలంగా పూజా గ్లామర్

పూజా హెగ్డే గ్లామర్ ఈ చిత్రానికి మరో ఆకర్షణ. పూజా హెగ్డే పాత్ర కథను బట్టి పరిమితంగా ఉన్నా.. ప్రేక్షకుడికి ఎలాంటి గ్లామర్ లోటు కనిపించదు. ఈ సినిమా టాలీవుడ్‌లో స్థిరపడేందుకు ఆమెకు దోహదపడుతుంది.