Shyam Singha Roy గూగుల్‌లో ఆ విధంగా ట్రెండింగ్.. నాని సినిమా ఎలాంటి క్రేజ్ అంటే?

1969లో జరిగిన కథ నేపథ్యంగా

శ్యామ్ సింగరాయ్ సినిమాకు సంబంధించిన కథ విషయానికి వస్తే.. 1969లో బెంగాల్‌లో అభ్యుదయ భావాలు ఉన్న రచయిత జీవితంలో చోటుచేసుకొన్న కొన్ని సంఘటనల నేపథ్యంగా సాగుతుంది. ఈ సినిమా కథను సత్యదేవ్ జంగా అందించగా, టాక్సీవాలా ఫేమ్ దర్శకుడు రాహుల్ సంకిృత్యన్ పూర్తిస్థాయి వెండితెర కావ్యంగా మలిచారు.

మోడరన్, పిరియాడిక్ అంశాల మేలవింపుతో

సమకాలీన పరిస్థితులతోపాటు పిరియాడిక్ అంశాలతో నడిచే కథకు నాని, సాయిపల్లవి తమ పాత్రలతో జీవం పోశారు. తొలిసారి నాని యాంగ్రి మ్యాన్ లుక్‌తో ఆకట్టుకొన్నారు. దేవదాసి పాత్రలో సాయిపల్లవి మరోసారి వైవిధ్యమైన నటనను ప్రదర్శించారు. ఈ రెండు పాత్రలపై సినీ విమర్శకులు ప్రశంసల వర్షం కురిపించారు.

భాక్సాఫీస్ వద్ద భారీ లాభాలు

ఇక శ్యామ్ సింగరాయ్ చిత్రం ప్రపంచవ్యాప్తంగా భారీ వసూళ్లను సాధించింది. ఏపీలో ప్రతికూల పరిస్థితులను ఎదురించి చక్కటి ఓపెనింగ్స్ సాధించింది. తెలుగు రాష్ట్రాల్లో 20 కోట్ల షేర్, 33.50 కోట్ల గ్రాస్ వసూళ్లను నమోదు చేయగా, ఓవర్సీస్‌లో ఈ చిత్రం 3.75 కోట్లు రాబట్టింది. దాంతో ప్రపంచవ్యాప్తంగా ఈ చిత్రం 26.50 కోట్ల షేర్, 47 కోట్ల గ్రాస్ వసూళ్లను కలెక్ట్ చేసింది. దీంతో ఈ చిత్రం 4 కోట్ల లాభాలను తన ఖాతాలో వేసుకొన్నది.

నెటిఫ్లిక్స్‌లో శ్యామ్ సింగరాయ్ సందడి

కోవిడ్ పరిస్థితుల కారణంగా థియేట్రికల్ రన్‌ను త్వరగా ముగించుకొన్న శ్యామ్ సింగరాయ్ చిత్రం నెటిఫ్లిక్స్ ద్వారా జనవరి 21వ తేదీన ఓటీటీలో రిలీజైంది. ఓటీటీలో కూడా ఈ సినిమాకు మంచి ఆదరణ లభిస్తున్నది. అయితే ఈ సినిమాను చూసిన ప్రేక్షకులు గూగుల్‌లో రియల్ స్టోరీ అని వెతుకుతుండటంతో ట్రెండింగ్‌గా మారింది. ఇటీవల కాలంలో Shyam Singha Roy real story అని నెటిజన్లు సర్చ్ చేస్తుండటంతో ఈ ట్యాగ్ ట్రెండ్ అవుతున్నది.

Google's Top 10 Trending Movies List

నిజంగా జరిగిన కథేనా అంటూ..

అయితే శ్యామ్ సింగరాయ్ సినిమా చూసిన తర్వాత ఇది నిజంగా జరిగిన కథనా? లేక కల్పితమా? ఈ సినిమాకు మూల కథ ఎక్కడి నుంచి పుట్టింది? శ్యామ్ సింగరాయ్ లాంటి మనిషి చరిత్రలో ఉన్నాడా? శ్యామ్ సింగరాయ్ కథ ఏమిటి? అంటూ నెటిజన్లు ఇంటర్నెట్‌లో విపరీతంగా శోధిస్తున్నారు. దాంతో ఇటీవల కాలంలో జరిగిన ఎక్కువ సర్చ్‌లో శ్యామ్ సింగరాయ్ ఒకటి కావడం ఆసక్తికరంగా మారింది.