చిరు 150 నుండి ఓవర్‌గా ఎక్స్‌పెక్ట్ చేస్తున్నారు, కష్టమే (వర్కింగ్ స్టిల్స్)

By Bojja Kumar

Published: Thursday, July 7, 2016, 15:10 [IST]

హైదరాబాద్: మెగా స్టార్ చిరంజీవి 150వ సినిమా షూటింగ్ ఇటీవల ప్రారంభమైన సంగతి తెలిసిందే. షూటింగ్ ప్రారంభమైనా హీరోయిన్ మాత్రం ఇంకా ఖరారు కాలేదు. తొలుత అనుష్క, నయనతారలను అనుకున్నా పలు కారణాలతో ఆ ప్రయత్నాలను విరపించుకున్నారు. దీంతో దర్శకుడు వివి వినాయక్ బాలీవుడ్ భామల వైపు దృష్టి సారించాడు.

బాలీవుడ్ బ్యూటీస్ నర్గీస్ ఫక్రి, జాక్వెలిన్ ఫెర్నాండెజ్ లను పరిశీలిస్తున్నారు. వీరిలో ఇంకా ఎవరూ ఫైనల్ కాలేదు. అయితే జాక్వెలిన్ మాత్రం రూ. 5 కోట్లు ఇస్తేనే చిరంజీవి 150వ సినిమాలో నటిస్తాను అని తేల్చి చెప్పిందట.

చిరు 150 నుండి బాలీవుడ్ భామలు ఇంత ఓవర్ గా రెమ్యూనరేషన్ ఎక్స్‌పెక్ట్ చేయడం చర్చనీయాంశం అయింది. తెలుగులో టాప్ హీరోయిన్లకు సైతం రూ. 1.5 కోట్ల నుండి 2 కోట్లకు మించి రెమ్యూనరేషన్ ఇచ్చే పరిస్థితి లేదు. మరి వినాయక్ హీరోయిన్ ఎంపిక విషయంలో ఎలాంటి నిర్ణయం తీసుకుంటారో? ఎవరిని ఎంపిక చేస్తారో? అనేది తేలాల్సి ఉంది.

తమిళంలో హిట్టయిన కత్తి సినిమాను వివి వినాయక్ తనదైన శైలిలో చిరు అభిమానులు మెచ్చేలా తెలుగులో రీమేక్ చేస్తున్నారు. ఈ సినిమా 2017 సమ్మర్లో ప్రేక్షకుల ముందుకు రానుంది.

స్లైడ్ షోలో చిరు 150వ సినిమాకు సంబంధించిన వర్కింగ్ స్టిల్స్..

చిరు 150 నుండి ఓవర్‌గా ఎక్స్‌పెక్ట్ చేస్తున్నారు

జాక్వెలిన్ మాత్రం రూ. 5 కోట్లు ఇస్తేనే చిరంజీవి 150వ సినిమాలో నటిస్తాను అని తేల్చి చెప్పిందట. చిరు 150 నుండి బాలీవుడ్ భామలు ఇంత ఓవర్ గా రెమ్యూనరేషన్ ఎక్స్‌పెక్ట్ చేయడం చర్చనీయాంశం అయింది.