కళాభవన్ మణి సూసైడ్ చేసుకోలేదు సరే...మరి విషం సంగతేంటి?

By Srikanya

Updated: Monday, March 7, 2016, 16:06 [IST]

కొచ్చి : ఈ రోజు మరణించిన కళాభవన్ మణి వార్త ..సినీ ప్రపంచంలో సంచనలంగా మారింది. ఆయన ఆత్మహత్య చేసుకుని చనిపోయారా అనే వార్తలు వస్తున్నాయి. ఈ నేపద్యంలో ఆయన మిత్రుడు మళయాళ స్టార్ హీరో దిలీప్ మీడియాతో మాట్లాడారు.

కళాభవన్ కు ఉన్న అతి తక్కువ మంది స్నేహితుల్లో తను ఒకరినని , ఆయనకు గురించి తనకు బాగా తెలుసు అని , సూసైడ్ చేసుకునేటంత బలహీన మనస్కుడు కాదని అవన్నీ కేవలం బేస్ లెస్ రూమర్స్ అని కొట్టిపారేసారు. అంతేకాదు ఆయన తనకున్న ఒకే ఒక కుమార్తే అంటే ప్రాణమని, అలాంటివాళ్లు అసలు సూసైడ్ చేసుకునే అవకాసం లేదని తేల్చి చెప్పారు.

అయితే కళాభరన్ మణి మరణించటానికి ముందు ఆయన శరీరం విషం కలిగి ఉండటం గమనించారు. వస్తున్న వార్తలే నిజమైతే ఆల్కహాల్ ద్వారా ఆ విషం ఆయన శరీరంలోకి వెళ్లిందని అక్కడ మీడియా అంటోంది.

కళాభవన్‌ మణి ఆదివారం కన్నుమూశారు. కాలేయ వ్యాధితో కొచ్చిలోని ఆస్పత్రిలో చికిత్స పొందుతూ ఆయన కన్నుమూశారు. వివిధ భాషల్లో ఆయన 100కు పైగా చిత్రాల్లో నటించారు. తెలుగు, తమిళ, మలయాళం, హిందీ చిత్రాల్లో నటించారు. తెలుగులో జెమిని, ఎవడైతే నాకేంటి తదితర చిత్రాల్లో నటించారు.

ప్రముఖ నటుడు కళాభవన్‌ మణి భార్య డా.నిమ్మి, కూతురు శ్రీలక్ష్మి ఉన్నారు. మలయాళ చిత్ర సీమ నుంచి నట ప్రయాణం మొదలుపెట్టిన మణి తెలుగు, తమిళంలోనూ నటించి పేరు తెచ్చుకొన్నారు. శనివారం తీవ్ర అస్వస్థకు గురికావడంతో కుటుంబ సభ్యులు కొచ్చిలోని అమిత్ర ఆస్పత్రిలో చేర్చారు. ఐసీయూ అత్యవసర వైద్యసేవలు తీసుకుంటు ఆదివారం రాత్రి 7.15 గంటలకు కన్నమూసినట్టు కుటుంబ సభ్యులు ప్రకటించారు.

స్లైడ్ షోలో ...మణి కెరీర్ లో అరుదైన ఫొటోలు...