హోమ్

న్యూస్

గ్యాంగ్‌స్ట‌ర్‌ న‌యీం జీవిత కథ ఆధారంగా రూపొందుతున్న చిత్రం 'ఖ‌య్యుం భాయ్‌' దాదాపు పూర్తికావొచ్చింది. వచ్చెనెల 5వ తేదీకి షూటింగ్ పూర్తిచేసి గుమ్మ‌డికాయ కొట్ట‌డానికి రెడీ అవుతున్నారు. న‌యీమ్ పాత్ర‌లో క‌ట్టా రాంబాబు నటిస్తున్న ఈ చిత్రంలో పోలీసు అధికారి పాత్రను తారకరత్న పోషిస్తున్నారు. సంగీత దర్శకుడు శేఖర్ చంద్ర మ్యూజిక్ నందిస్తున్న ఈ చిత్రానికి దర్శకుడిగా భరత్ వ్యవహరిస్తున్నారు.

ఇటీవల క‌ట్టా రాంబాబు మీడియాతో మాట్లాడుతూ 'భ‌ర‌త్ ఈ సినిమాని అద్భుతంగా తెర‌కెక్కిస్తున్నారు. ఆయ‌న‌తో 25 ఏళ్ల స్నేహ బంధం నాది అని తెలిపారు. అలాగే నంద‌మూరి ఫ్యామిలీతోనూ చ‌క్క‌ని అనుబంధం ఉందని తెలిపారు. న‌యీమ్ చిన్న‌ప్ప‌టినుంచి ఎన్‌కౌంట‌ర్‌లో మ‌ర‌ణించిన వ‌ర‌కూ జ‌రిగిన అన్ని సంఘ‌ట‌న‌ల్ని తెర‌పై చూపిస్తున్నామన్నారు. గోపి మోహ‌న్ - కోన వెంక‌ట్ ప‌ర్య‌వేక్ష‌ణ‌లో భ‌వానీ ప్రసాద్ మాట‌లు అందించారు.