'భరత్ అనే నేను' కథ వెనుక మరో కథ.. బయట పెట్టిన కొరటాల!

రికార్డుల వేటకోసం

భరత్ అనే నేను చిత్రం సూపర్ స్టార్ మహేష్ కెరీర్ లోనే భారీ అంచనాలతో విడుదల కాబోతోంది. ఈ చిత్రంపై సినీవర్గాలు, అభిమానులు పాజిటివ్ బజ్ నెలకొని ఉంది. పక్కా బ్లాక్ బాస్టర్ అని మహేష్ ఫాన్స్ ధీమా వ్యక్తం చేస్తున్నారు.

సూపర్ హిట్ కాంబినేషన్

ఈ చిత్రాన్ని హ్యాట్రిక్ చిత్ర విజయాల దర్శకుడు కొరటాల శివ తెరకెక్కించారు. ఆయన చేసిన మూడు చిత్రాలు మిర్చి, శ్రీమంతుడు,జనతా గ్యారేజ్ చిత్రాలు తిరుగులేని విజయాలు సాధించాయి. మహేష్, కొరటాల సూపర్ హిట్ కాంబినేషన్లో వస్తున్నా చిత్రం కావడంతో అంచనాలు ఆకాశాన్ని తాకే విధంగా ఉన్నాయి.

పొలిటికల్ డ్రామా

మహేష్ బాబు నటిస్తున్న తొలి రాజకీయ నేపథ్యం ఉన్న చిత్రం ఇదే. భరత్ అనే నేను చిత్రంలో మహేష్ బాబు ముఖ్యమంత్రి పాత్రలో నటిస్తుండడం విశేషం. ఈ చిత్రంలో దర్శకుడు కొరటాల శివ సమాజంలో ఉన్న ప్రధాన సమస్యలని టార్గెట్ చేసినట్లు తెలుస్తోంది.

భరత్ అనే నేను కథ వెనుక

భరత్ అనే నేను చిత్ర కథ వెనుక ఓ ప్రచారం జరుగుతోంది. ఈ చిత్ర కథని కొరటాల శివ పెద్ద మొత్తం చెల్లించి తకిట తకిట దర్శకుడు శ్రీహరి నుంచి తీసుకున్నారని వార్తలు వచ్చాయి.

కొరటాల క్లారిటీ

ఈ వార్తల విషయంలో దర్శకుడు కొరటాల క్లారిటీ ఇచ్చారు. శ్రీహరి తన స్నేహితుడు అని, తామిద్దరం రూంలో ఉన్న సమయంలో ఓ స్టోరీ లైన్ చెప్పాడని, దానిని తాను డెవలప్ చేసి భరత్ అనే నేను చిత్ర కథగా మార్చానని కొరటాల తెలిపాడు. స్టోరీలైన్ ఇచ్చినందుకు సినిమా టైటిల్స్ లో శ్రీహరి పేరు కూడా వేస్తున్నాం అని కొరటాల అన్నారు.