Don't Miss!
- News Sujana Chowdary: ఎన్నికల వేళ సుజనా చౌదరికి షాక్..! రూ.500 కోట్ల రుణంపై...
- Finance Blood Bath: వారాంతంలో కుప్పకూలిన మార్కెట్లు.. బేర్స్ చేతిలో Sensex-Nifty..
- Technology Vivo V30e ఇండియా లాంచ్ తేదీ వివరాలు! లీక్ అయిన ధర, స్పెసిఫికేషన్లు
- Automobiles కేవలం రూ. 8,999లకే డ్యాష్క్యామ్.. ఈ BIS కెమెరా కార్లకు పెట్టుకుంటే చాలు!!
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
రేప్ కాదు, కొట్టి చంపారు: హీరోయిన్ కృతిక హత్యకేసులో అసలు నిజాలు ఇవే....
బాలీవుడ్ హీరోయిన్ కృతికా చౌదరి హత్యకు గురైనట్లు పోలీసులు తేల్చారు. ఈ కేసుకు సంబంధించి అనుమానితుడిని అదుపులోకి తీసుకున్నారు.
ముంబై: బాలీవుడ్ హీరోయిన్ కృతికా చౌదరి అనుమానాస్పద మరణం ముంబై ఫిల్మ్ ఇండస్ట్రీలో కలకలం రేపిన సంగతి తెలిసిందే. ఈ కేసు మిస్టరీని పోలీసులు వెంటనే చేధించారు. కృతికది హత్యే అని తేల్చిన పోలీసులు ఓ అనుమానితుడిని అదుపులోకి తీసుకున్నారు.
అంధేరీ ప్రాంతంలోని తన అపార్టుమెంటులో కృతిక భౌతిక కాయాన్ని సోమవారం మధ్యాహ్నం గుర్తించారు. నాలుగు రోజుల నుండి ఆమె నివాసం ఉంటున్న ఇంటి నుండి దుర్వాసన వస్తుండటంతో ఇరుగు పొరుగువారు పోలీసులకు ఫిర్యాదు చేయడంతో పోలీసులు ఇంట్లోకి వెళ్లి చూడగా అర్ధ నగ్నంగా విగతజీవిగా కుళ్లిన స్థితిలో ఆమె మృతదేహం పడి ఉండటం చూసి అంతా షాకయ్యారు.
రేప్ జరుగలేదని తేల్చిన పోలీసులు
కృతిక భౌతిక కాయం అర్దనగ్నంగా పడి ఉండటంతో ఆమెపై అత్యాచారం చేసి హత్య చేసినట్లు మొదట అనుమానించారు. పోస్టు మార్టం నివేదిక అనంతరం ఆమెపై అత్యాచారం జరుగలేదని పోలీసులు తేల్చారు.
కున్ కుల్ డస్టర్తో కొట్టి చంపారు
నిందితులు ఆమెను ఏ ఆయుధంతో చంపారు అనే విషయాన్ని పోలీసులు కనిపెట్టారు. పిడికిలికి ధరించే కున్ కుల్ డస్టర్ అనే ఆయుధంతో తలపై కొట్టి హత్య చేశారని పోలీసులు తెలిపారు.
పోలీసుల అదుపులో వ్యక్తి
చుట్టు పక్కలవారిని విచారించడంతో పాటు.... ఆమె ఇంటి పరిసరాల్లోని సీసీ టీవీ పుటేజీలను పరిశీలించిన పోలీసులు ఓ అనుమానితుడిని అదుపులోకి తీసుకుని విచారిస్తున్నారు.
హత్యకు కారణం ఏమిటి?
అయితే హత్యకు కారణం ఏమిటనే విషయాన్ని పోలీసులు ఇంకా తేల్చలేదు. అనుమానితుడిని వివిధ కోణాల్లో విచారిస్తున్నారు.
పుట్టినరోజు ఆనందం నుండి బయట పడకముందే...
ఈ నెల 5వ తేదీనే కృతిక చౌదరి పుట్టినరోజు వేడుక జరుపుకుంది. ఆమె ఇంకా ఆ ఆనందం నుండి బయట పడక ముందే ఈ దారుణం చోటు చేసుకుంది.
అవకాశాల కోసం స్ట్రగుల్
27 సంవత్సరాల కృతిక చౌదరి భర్తతో విడిపోయి ప్రస్తుతం ముంబైలో ఒంటరిగా ఉంటోంది. బాలీవడ్లో సరైన అవకాశాలు లేక కొంతకాలంగా స్ట్రగుల్ అవుతోంది.