బాలకృష్ణ ‘లెజెండ్’...ట్వీట్ రివ్యూ

By Bojja Kumar

Published: Friday, March 28, 2014, 11:54 [IST]

హైదరాబాద్: బాలయ్య, బోయపాటి కాంబినేషన్లో వచ్చిన 'సింహా' చిత్రం అప్పట్లో సంచలన విజయం సాధించింది. సింహా తర్వాత నాలుగైదు సినిమాలు చేసినా బాలయ్య అభిమానులు ఊహించిన విజయం మాత్రం దక్కలేదు. అయితే ఈ సారి 'లెజెండ్' చిత్రం ద్వారా ఆ కసి తీరడం ఖాయంగా కనిపిస్తోంది.

బాలయ్య హీరోగా బోయపాటి శ్రీను దర్శకత్వంలో 14 రీల్స్ ఎంటర్టెన్మెంట్స్, వారాహి చలన చిత్రం సంయుక్తంగా తెరకెక్కించిన 'లెజెండ్' చిత్రం ఈ రోజు గ్రాండ్ విడుదలైంది. బాలయ్య అభిమానులు కోరుకునే కమర్షియల్ మసాలా అంశాలను బాగా దట్టించి ఈచిత్రాన్ని తెరకెక్కించారు బోయపాటి.

బోయపాటి సినిమాల్లో పేలే పంచ్ డైలాగులు...ఈచిత్రంలో మరోసారి పేలనున్నాయి. ఇక దేవిశ్రీ ప్రసాద్ సంగీతం, రామ్ ప్రసాద్ సినిమాటోగ్రఫీ మరో హైలెట్. ఇక బ్రహ్మానందం కామెడీతో, హంసా నందిని ఐటం సాంగులో ఆకట్టుకోనున్నారు. రామ్ లక్ష్మణ్ హై ఓల్టేజ్ యాక్షన్ కొరియోగ్రఫీ సినిమా ఓ రేంజిలో వచ్చేలా సహకరించాయి. ఇక ఈ సినిమాలో జగపతి బాబు తొలిసారిగా విలన్ పాత్రలో నటిస్తున్నాడు. ఇందులో ఆయన బాలయ్య హీరోయిజానికి ధీటుగా క్రూరమైన విలనిజాన్ని పండించారు. బాలయ్య సరసన సోనాల చౌహాన్, రాధిక ఆప్టే హీరోయిన్లుగా నటిస్తున్నారు.

స్టోరీ విషయానికొస్తే.....జయ్‌దేవ్‌ (బాలకృష్ణ) వ్యక్తిత్వపరంగా నియంతలాంటివాడు. నియంత అంటే ఎప్పుడూ అధికారం గురించి ఆలోచిస్తాడు. కానీ జయ్‌దేవ్‌ మాత్రం ప్రజల కోసం ఆలోచిస్తాడు. సమాజం తరవాతే ఏదైనా. తనను నమ్ముకొన్నవాళ్లకు అన్యాయం జరిగితే సహించడు. దీంతో పాటు కుటుంబం అంటే ప్రాణం. తన క్రమశిక్షణ వల్ల ఏం సాధించాడు? ఏం కోల్పోయాడు? అసలు ఈ ప్రయాణంలో లెజెండ్‌గా ఎలా ఎదిగాడు? అన్నదే ఈ చిత్రకథ. జితేందర్‌ (జగపతిబాబు)తో ఆయనకున్న పగ ఏమిటన్నదీ ఆసక్తికరం.

ఇప్పటికే అభిమానులు ప్రీమియర్ షోలోలు చూసి సినిమా ఎలా ఉందనే విషయంలో తన అభిప్రాయాన్ని వెల్లడించారు. వాటిపై ఓ లుక్కేద్దాం.