Don't Miss!
- News టిప్పర్ నడుపుకుంటూ వెళ్లి మరీ నామినేషన్ వేసిన వైసీపీ అభ్యర్థి
- Sports DC vs RR: రిషభ్ పంత్ విధ్వంసం.. ఒకే ఓవర్లో 31 పరుగులు! వీడియో
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
నాగబాబుకు అంగవైకల్యం... శివాజీరాజా నోటి దురుసుపై మండిపడ్డ నరేష్
Recommended Video
మూవీ ఆర్టిస్టు అసోసియేషన్ (మా) ఎన్నికల్లో నటుల మధ్య చోటుచేసుకొన్న విభేదాలకు ఇప్పట్లో తెరపడే అవకాశాలు కనిపించడం లేదు. తన ఓటమికి కారణమనే అక్కసుతో నటుడు నాగబాబుపై శివాజీ రాజా చేసిన అనుచిత వ్యాఖ్యలపై మా అధ్యక్షుడు నరేష్, ప్రధాన కార్యదర్శి జీవిత సోషల్ మీడియాలో ద్వారా స్పందించారు. మా అధ్యక్షులుగా పనిచేసిన వారు తమ ప్రతిష్టను దిగజార్చుకొనేలా పరుష పదజాలాన్ని వాడకూడదు అని నరేష్ అన్నారు. శివాజీరాజా చేసిన వ్యాఖ్యలను తప్పు పడుతూ నరేష్, జీవిత ఓ వీడియోను రిలీజ్ చేశారు. ఆయన ఏమన్నారంటే..
నాగబాబు వర్సెస్ శివాజీరాజా
మా ఎన్నికల సందర్బంగా నరేష్ ప్యానెల్కు మెగా బ్రదర్ నాగబాబు బహిరంగ మద్దతు ప్రకటించారు. దాంతో శివాజీ రాజా ప్యానెల్ ఓటమిపాలైంది. ఆ తర్వాత నాగబాబును పలుమార్లు మీడియా సమావేశంలో దూషించాడు. అంతేకాకుండా పార్లమెంట్ ఎన్నికల్లో నాగబాబుకు రిటర్న్ గిఫ్ట్ ఇస్తానని శివాజీ రాజా హెచ్చరించారు. తాజాగా నాగబాబు అంగవైకల్యంతో బాధపడుతున్నారని కామెంట్ చేయడం గమనార్హం.
శివాజీరాజా వ్యాఖ్యలను తప్పుపట్టిన నరేష్
నటుడు నాగబాబుపై మా మాజీ అధ్యక్షుడు శివాజీ రాజా చేసిన వ్యాఖ్యలను ప్రస్తుత మా అధ్యక్షుడు నరేష్ తప్పుపట్టారు. నేను మా అధ్యక్షుడిగా నేను మాట్లాడటం లేదు. ఇప్పుడు సినీ నటుడిగానే నా అభిప్రాయం చెబుతున్నానని అన్నారు. నాగబాబుపై శివాజీ రాజా గురించి అలా మాట్లాడటం మనసుకు బాధవేసింది అని నరేష్ అన్నారు.
వ్యక్తిగతంగా దూషించొద్దు
మా అధ్యక్షుడిగా నాగబాబు తన వంతు సేవలను అందించారు. ఓ సంస్థను నడిపేటప్పుడు కొన్ని తప్పు, ఒప్పులు జరుగుతాయి. అంత మాత్రాన ఒకరిని వ్యక్తిగతంగా దూషించవద్దని తెలియజేయాలనుకొంటున్నాను. మీడియా సమావేశం పెట్టి వివాదం చేయవద్దని అనుకొంటున్నాం. సోషల్ మీడియా ద్వారా వ్యక్తిగత దూషణలు చేయవద్దని సూచించాలనుకొంటున్నాం అని నరేష్ అన్నారు.
నాగబాబు ప్రతిష్టను దెబ్బతీయడమేనని
అంగవైకల్యంతో బాధపడుతున్నాడని నాగబాబును ఉద్దేశించి నటుడు శివాజీ రాజా వ్యాఖ్యలు చేయడం సరికాదు. అంగవైకల్యం అని మాట్లాడటం ఓ నటుడి ప్రతిష్టను దెబ్బ తీయడమే. ఆయన చక్కగా నడుస్తున్నాడు. పార్లమెంట్ ఎన్నికల్లో కూడా పోటీ చేశాడు. అలాంటి నాగబాబు తన హాయంలో ఏమీ చేయలేదని ఆయన ఆరోపించడం తప్పు. నాగబాబు హయాంలో పెన్షన్లను ప్రారంభించారు. దాదాపు 600 మంది సభ్యులకు తనవంతు సహాయాన్ని చేశారు అని నరేష్ చెప్పారు.
పబ్లిక్గా విమర్శలు వద్దు
మా అధ్యక్షుడిగా పనిచేసిన నటుడిని పట్టుకొని పబ్లిక్గా అనుచిత వ్యాఖ్యలు చేయడం తప్పు. నాగబాబు పిల్లికి బిచ్చం పెట్టడని ఆయన దూషించడం సరికాదు. నాగబాబు లేకపోతే శివాజీ రాజా గెలిచే వాడా? రాజకీయాల్లో ఎవరు ఎవరినైనా విమర్శించ వచ్చు. కానీ వ్యక్తిగత దూషణలు చేయవద్దు. మా సంస్థను బజారుకీడ్చవద్దు. శివాజీ రాజా చేసిన వ్యాఖ్యలను ఖండిస్తున్నాను అని నరేష్ అన్నారు.
|
మార్పు కోసం పనిచేద్దామని పిలుపు
మా ఎన్నికల్లో మార్పును కోరుతూ సభ్యులు నూతన కార్యవర్గానికి అధికారం కట్టబెట్టారు. రెండేళ్ల పదవీకాలంలో మంచి పనులు చేయడానికి సహాయం అందించాలి. పెన్షన్లు, ఇతర సామాజిక కార్యక్రమాలను నిర్వహించాలనుకొంటున్నాం. మా అనేది కుటుంబం.. ఏదైనా ఉంటే అంతర్గతంగా మాట్లాడు కోవాలని నేను సూచిస్తున్నాను అని నరేష్ అన్నారు.