కోటిన్నర ఇస్తే ఐశ్యర్యతో రొమాన్స్ చేస్తా.. హీరోకు షాకిచ్చిన దర్శకుడు

ఐశ్వర్యకు ప్రియుడిగా మాధవన్

ఐశ్వర్యారాయ్, అనీల్ కపూర్ ప్రధాన తారాగణంతో ఫన్నీఖాన్ చిత్రాన్ని నిర్మిస్తున్నారు. అయితే ఈ చిత్రంలో ఐశ్వర్య కు ప్రియుడిగా ప్రముఖ నటుడు ఆర్ మాధవన్ నటించమని చిత్ర దర్శకుడు అడిగారు. అయితే మాధవన్ గొంతెమ్మ కోరికలు విని దర్శకుడు రాకేశ్ ఓం ప్రకాశ్ మెహ్రా నివ్వెర పోయారట.

కోటిన్నర డిమాండ్..

వాస్తవానికి ఫన్నీ ఖాన్ చిత్రం కోస్ కేవలం 15 రోజుల షూటింగ్‌లో పాల్గొనాల్సి ఉంది. కానీ మాధవన్ కోటిన్నర రూపాయల రెమ్యునరేషన్ కావాలని దర్శకుడిని మాధవన్ డిమాండ్ చేశారు. కలలో కూడా అంత పారితోషకం అడుగుతాడని ఊహించని నిర్మాత ఒక్కసారిగా నిర్ఘాంతపోయారు. అంతే అక్కడ నుంచి మెల్లగా జారుకున్నారు.

కుర్ర హీరోలతో సంప్రదింపులు

సౌందర్య రాశి ఐశ్వర్య పక్కన నటించే ఛాన్స్ వస్తే చాలు అనుకునే వారిని చూశాడు. కానీ ఇలాంటి హీరోలు కూడా ఉంటారా అనే ప్రశ్న అతడి బుర్ర ను తొలిచేసింది. దీంతో ఐశ్వర్యతో రోమాన్స్ కు మరో హీరోని వెతికే పనిలో పడ్డారు. అక్షయ్ ఒబేరాయ్, కార్తీక్ ఆర్యన్ అనే కుర్ర హీరోలను పరిగణనలోకి తీసుకొన్నారు. కానీ ఏదో కారణాల వల్ల వారిని పక్కన పెట్టారు.

ఆదిల్ ఇబ్రహీంపై దృష్టి

ఐష్ జోడి కోసం రాకేశ్ ఓం ప్రకాశ్ మెహ్రా మలయాళంలో హాట్ హీరో అయిన ఆదిల్ ఇబ్రహీంను తీసుకోవాలని భావించారట. కానీ ఐష్ నో చెప్పడం, నిర్మాతలు కూడా ఒప్పుకోకపోవడంతో ఆ ప్రతిపాదనను విరమించుకొన్నారు.

చివరకు రాజ్ కుమార్ రావు..

ఆమె పక్కన నటించే హీరోల కోసం వేట మొదలెట్టారు. అలా పలువురుని చూసి చివరకు ఐశ్వర్య పక్కన రోమాన్స్ కు రాజ్ కుమార్ రావును ఎంపిక చేశారు. దీనిపై హీరో మాధవన్ వివరణ ఇచ్చారు. తనకు డేట్స్ కుదరలేదని... అందుకే ఈ చిత్రంలో నటించడం లేదని చెప్పారు.