మహేష్ బాబే టాప్...దరిదాపుల్లో ఎవరూ లేరు (ఫోటో ఫీచర్)

By Bojja Kumar

Published: Friday, May 23, 2014, 12:04 [IST]

హైదరాబాద్: టాలీవుడ్ సూపర్ స్టార్ మహేష్ బాబు మరో అరుదైన ఘనత దక్కించుకన్నారు. ప్రముఖ ఇండియన్ న్యూస్ నెట్వర్క్ టైమ్స్ ఆఫ్ ఇండియా నిర్వహించిన సర్వేలో '2013 ఇండియన్ మోస్ట్ డిజైరబుల్ మెన్' టాప్ 50లో మహేష్ బాబు మొదటి స్థానం దక్కించుకున్నారు. ఆన్ లైన్ పోల్ ద్వారా ఈ ఎంపిక చేసారు. ఈ ఓటింగులో దాదాపు 7.34 లక్షల మంది ఓటర్లు పాల్గొన్నారు.

బాలీవుడ్ స్టార్ హృతిక్ రోషన్, రణబీర్ కపూర్, జాన్ అబ్రహంలతో పాటు క్రికెటర్లు విరాట్ కోహ్లి, ధోనీ, యువరాజ్ సింగ్....పొలిటీషియన్ రాహుల్ గాంధీ లాంటి వారు సైతం మహేస్ బాబు కంటే వెనక బడి పోవడం గమనార్మం. ఇక తెలుగు నుండి ఇతర స్టార్లలో రాణా దగ్గుబాటి 13వ స్థానంలో, రామ్ చరణ్ తేజ్ 23వ స్థానంలో నిలిచారు. ఇతర తెలుగు స్టార్లలలో ఎవరికీ టాప్ 50లో చోటు దక్కలేదు. తమిళ స్టార్ సూర్య 12వ స్థానంలో నిలిచాడు.

తనకు ఈ స్థానం దక్కడంపై మహేష్ బాబు ఆనందం వ్యక్తం చేసారు. అభిమానుల ఆశీర్వాదం వల్లనే తాను ఈ స్థాయిలో ఉన్నానని, వారిని సంతోషంగా ఉంచడాని సినిమాల విషయంలో చాలా కష్టపడుతున్నానని మహేష్ బాబు చెప్పుకొచ్చారు. తనకు సంబంధించిన మోస్ట్ డిజైరబుల్ ఉమెన్ తన భార్య నమ్రతే అని మహేష్ బాబు తెలిపారు. స్లైడ్ షోలో వివరాలు..