‘మహర్షి’ యూఎస్ఏ ప్రీమియర్ షో: ఇప్పటి వరకు వసూలైన మొత్తం ఇదే!

2 మిలియన్ డాలర్ టార్గెట్

‘మహర్షి' ప్రీమియర్ షోలు డిమాండుకు తగిన విధంగా అత్యధిక సంఖ్యలో వేశారు. ఈ షోల ద్వారా 2 మిలియన్ డాలర్ వసూలు చేయడమే లక్ష్యంగా రిలీజ్ ఏర్పాట్లు చేశారు. ముందే అడ్వాన్స్ బుకింగ్ మొదలు కావడంతో టికెట్స్ కేకుల్లా అమ్ముడయ్యాయి.

టాలీవుడ్లో టాప్ రికార్డ్ అదే..

ఇప్పటి వరకు టాలీవుడ్ చరిత్రలో టాప్ రికార్డ్ ‘బాహుబలి 2' పేరు మీద ఉంది. 2017లో ఈ చిత్రం విడుదలవ్వగా ప్రీమియర్ షోల ద్వారా 2.4 మిలియన్ డాలర్ వసూలు చేసింది. నాన్ బాహుబలి రికార్డ్స్ విషయానికొస్తే పవన్ కళ్యాణ్ ‘అజ్ఞాతవాసి' చిత్రం 1.5 మిలియన్ డాలర్ ప్రీమియర్ షో వసూళ్లతో అగ్రస్థానంలో ఉంది. ఆ తర్వాతి స్థానంలో 1 మిలియన్ డాలర్ వసూళ్లతో ‘స్పైడర్' ఉంది.

ఇప్పటి వరకు అందిన సమాచారం మేరకు ‘మహర్షి' యూఎస్ఏ ప్రీమియర్ షో వసూళ్లు

‘మహర్షి' సినిమా ప్రీమియర్ షోల వసూళ్ల వివరాల్లోకి వెళితే... అమెరికా కాలమానం ప్రకారం మే 8వ తేదీ రాత్రి 9 గంటల వరకు అందిన సమాచారం ప్రకారం 198 లొకేషన్ల నుంచి $413k వసూలైనట్లు సమాచారం. టోటల్ 260 లొకేషన్ల నుంచి వసూళ్ల సమాచారం అందాల్సి ఉంది.

ఓవర్సీస్ రైట్స్ ఎంతకు అమ్మారు?

మహేష్ బాబు గత చిత్రం ‘భరత్ అనే నేను' ఓవర్సీస్ మార్కెట్లో లైఫ్ టైమ్ రన్‌లో రూ. 30 కోట్ల గ్రాస్ వసూలు చేయడంతో పాటు రూ. 16 కోట్ల షేర్ రాబట్టింది. అయితే అప్పట్లో ఆ సినిమాకు రూ. 18.50 కోట్లు ఇన్వెస్ట్ చేయడంతో వర్కౌట్ కాలేదని టాక్. ‘మహర్షి' సినిమాను రూ. 18 కోట్లు దిల్ రాజు బేరం పెట్టారని, ఎవరూ అంత భారీ మొత్తం పెట్టడానికి ముందుకు రాక పోవడంతో గ్రేట్ ఇండియా ఫిల్మ్స్ రూ. 14 కోట్లకు డీల్ సెట్ చేసుకున్నట్లు తెలుస్తోంది.